អ្នកទទួលខុសត្រូវម្នាក់របស់ក្រសួងមហាផ្ទៃអីុរ៉ាក់បញ្ជាក់ថា ការវាយប្រហារភេរវកម្មប្រើរថយន្តបង្កប់គ្រឿងផ្ទុះមួយចំនួនកើតមាន កាលពីថ្ងៃទី២៤ មិថុនា នៅក្រុងបាដាដ រដ្ឋធានីអីុរ៉ាក់ បណ្តាលឱ្យមនុស្សស្លា.ប់យ៉ាងតិច៣៩នាក់ ។រថយន្តយ៉ាងតិច៨គ្រឿងផ្ទុះក្នុងសង្កាត់ជាច្រើននៃក្រុងបាដាដ ។
អ្នកទទួលខុសត្រូវម្នាក់របស់ក្រសួងមហាផ្ទៃអីុរ៉ាក់បញ្ជាក់ថា ការវាយប្រហារភេរវកម្មប្រើរថយន្តបង្កប់គ្រឿងផ្ទុះមួយចំនួនកើតមាន កាលពីថ្ងៃទី២៤ មិថុនា នៅក្រុងបាដាដ រដ្ឋធានីអីុរ៉ាក់ បណ្តាលឱ្យមនុស្សស្លាប់យ៉ាងតិច៣៩នាក់ ។រថយន្តយ៉ាងតិច៨គ្រឿងផ្ទុះក្នុងសង្កាត់ជាច្រើននៃក្រុងបាដាដ ។
ក្រោយថ្ងៃលិចបន្តិច រថយន្តបង្កប់គ្រឿងផ្ទុះមួយបានផ្ទុះក្នុងផ្សារមួយនៅសង្កាត់ស៊ីអីុត ណាហ៍រ៉ាវ៉ាន បណ្តាលឱ្យមនុស្សស្លាប់៤នាក់ និងរបួស១៥នាក់ ។ ប៉ុន្មាននាទីក្រោយមក គ្រឿងផ្ទុះមួយបានផ្ទុះក្នុងផ្សារនៃសង្កាត់បាដាដថ្មី ដែលមានពួកស៊ីអីុតភាគច្រើន បណ្តាលឱ្យមនុស្សស្លាប់៣នាក់ និងរបួស១០នាក់ ។
ចំណែកការវាយប្រហារយ៉ាងបង្ហូរឈាមបំផុតកើតមានពេលរថយន្ត២គ្រឿងផ្ទុះក្នុងមជ្ឈមណ្ឌលពាណិជ្ជកម្មនៃសង្កាត់ជីហាដ ស្ថិតនៅភាគខាងលិចក្រុងបាដាដ បណ្តាលឱ្យមនុស្សស្លាប់ដល់ទៅ៨នាក់ ហើយមនុស្ស២១នាក់ទៀតត្រូវរបួស ។រលកនៃអំពើហិង្សានេះកើតមាន ខណៈពួកស៊ីអីុតជាច្រើនសិបពាន់នាក់ប្រមូលផ្តុំគ្នាក្នុងទីក្រុងសក្ការបូជាគ័របាឡា ស្ថិតនៅចម្ងាយ៨០គីឡូម៉ែត្រ ខាងត្បូងក្រុងបាដាដ សម្រាប់ការធ្វើធម្មយាត្រា ៕
ចែករំលែកព័តមាននេះ