ក្រោមការចង្អុលបង្ហាញពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នៅថ្ងៃទី២២ និង២៣ មិថុនា លោកបណ្ឌិត ហ៊ុន ម៉ាណែត បានដឹកនាំក្រុមគ្រូពេទ្យស្ម័គ្រចិត្តយុវជនសម្តេចតេជោ ចុះពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋនៅស្រុកក្រូចឆ្មារ ខេត្តកំពង់ចាម និងស្រុកពារាំង ខេត្តព្រៃវែង ។
ក្រោមការចង្អុលបង្ហាញពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នៅថ្ងៃទី២២ និង២៣ មិថុនា លោកបណ្ឌិត ហ៊ុន ម៉ាណែត បានដឹកនាំក្រុមគ្រូពេទ្យស្ម័គ្រចិត្តយុវជនសម្តេចតេជោ ចុះពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋនៅស្រុកក្រូចឆ្មារ ខេត្តកំពង់ចាម និងស្រុកពារាំង ខេត្តព្រៃវែង ។
ឮក្នុងឱកាសនោះ លោកបណ្ឌិត បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ជូនដល់ប្រជាពលរដ្ឋទាំងអស់ដែលមកព្យាបាលជំងឺក្នុងពេលនោះ ក៏ដូចជាប្រជាពលរដ្ឋទូទាំងប្រទេស ដែលជានិច្ចកាលសម្តេចតែងតែគិតគូរពីបញ្ហាសុខភាពរបស់ពួកគាត់គ្រប់ៗគ្នា ។
លោកវេជ្ជបណ្ឌិត ស៊ូ ស៊ីផាណ្ណា ប្រធានក្រុមគ្រូពេទ្យស្ម័គ្រចិត្តយុវជនសម្តេចតេជោ បានឱ្យដឹងថា ក្នុងរយៈពេលពីរថ្ងៃនេះ ក្រុមគ្រូពេទ្យស្ម័គ្រចិត្តដែលមានចំនួន៣៩០នាក់ បានចុះពិនិត្យ និងព្យាបាលជំងឺជូនប្រជាពលរដ្ឋសរុបចំនួន៩.០៥០នាក់ ក្នុងនោះមានអ្នកជំងឺមាត់ធ្មេញ១.១០២នាក់ វះកាត់នៅនឹងកន្លែង២២ករណី ពិនិត្យជំងឺភ្នែក និងចែកវ៉ែនតាចំនួន៤៥១នាក់ ហើយបានយកអ្នកជំងឺ៣២នាក់មកព្យាបាល និងវះកាត់បន្តនៅរាជធានីភ្នំពេញ ។ រីឯការចំណាយទាំងអស់បានការជួយឧបត្ថម្ភពីសំណាក់លោកបណ្ឌិត ហ៊ុន ម៉ាណែត និងលោកជំទាវ ។
សូមរំលឹកថា ក្នុងរយៈពេល៣ខែកន្លងមកនេះ លោកបណ្ឌិត ហ៊ុន ម៉ាណែត និងលោកជំទាវ បានដឹកនាំក្រុមគ្រូពេទ្យស្ម័គ្រចិត្តយុវជនសម្តេចតេជោ ចុះពិនិត្យជំងឺគ្រប់ស្រុកទាំងអស់ក្នុងខេត្តកំពង់ចាម ដែលសរុបមកទល់ពេលនេះ បានព្យាបាលជំងឺសរុបបានចំនួនជិត៧ម៉ឺននាក់ ៕
ចែករំលែកព័តមាននេះ