អាជ្ញាធរក្នុងខេត្តថាញ់វា៉ ប្រទេសវៀតណាម បានផលិតឧបករណ៍បា.ញ់សំណាញ់ ប្រើសម្រាប់បង្ក្រាបក្រុមស្ទាវជិះម៉ូតូលឿន ក្នុងទីក្រុងដោយឧបករណ៍ខាងលើមានប្រសិទ្ធភាពយា៉ងខ្លាំង ។ កាសែតតឿយជែរបស់វៀតណាមបានចុះផ្សាយ ដោយយោងតាមសម្តីរបស់លោកឧត្តមសេនីយ៍ ឡេ វា៉នង្វៀន មេបញ្ជាការប៉ូលិសទីក្រុងថាញ់វា៉ឱ្យដឹងថា អង្គភាពរបស់ខ្លួន និងស្ថាប័នផលិតឧប
អាជ្ញាធរក្នុងខេត្តថាញ់វា៉ ប្រទេសវៀតណាម បានផលិតឧបករណ៍បាញ់សំណាញ់ ប្រើសម្រាប់បង្ក្រាបក្រុមស្ទាវជិះម៉ូតូលឿន ក្នុងទីក្រុងដោយឧបករណ៍ខាងលើមានប្រសិទ្ធភាពយា៉ងខ្លាំង ។ កាសែតតឿយជែរបស់វៀតណាមបានចុះផ្សាយ ដោយយោងតាមសម្តីរបស់លោកឧត្តមសេនីយ៍ ឡេ វា៉នង្វៀន មេបញ្ជាការប៉ូលិសទីក្រុងថាញ់វា៉ឱ្យដឹងថា អង្គភាពរបស់ខ្លួន និងស្ថាប័នផលិតឧបករណ៍បង្ក្រាប ដែលស្ថិតនៅក្រោមការគ្រប់គ្រងរបស់ក្រសួងការពារជាតិ បានចំណាយពេលប្រហែល៣ខែក្នុងការចេញម៉ូដ និងប្រើសាកល្បងរហូតទទួលបានជោគជ័យរួមគ្នា ។
ឧបករណ៍ខាងលើត្រូវបាញ់ដោយតម្រង់ទៅកង់ម៉ូតូខាងក្រោយរបស់អ្នកល្មើសច្បាប់ចរាចរណ៍ ដើម្បីឱ្យទោចក្រយានយន្តឈប់ និងសំណាញ់ដែលបានបាញ់នោះអាចច្រកចូលក្នុងបំពង់ ដើម្បីទុកប្រើនៅពែលក្រោយទៀត ប្រសិនបើប៉ូលិសចរាចរបាញ់ខុសគោលដៅ ។ តាមការបញ្ជាក់របស់ស្ថាប័នផលិតឧបករណ៍បង្ក្រាបខាងលើបានឱ្យដឹងថា ការប្រើសំណាញ់ដើម្បីចាប់ជនល្មើសមិនបានបង្កឱ្យមានគ្រោះថ្នាក់ធ្ងន់ធ្ងរដល់អ្នកជិះម៉ូតូលឿនឡើយ ។
អាជ្ញាធរនៅក្នុងខេត្តថាញ់វា៉ បានបញ្ជាក់បន្តថា ការជិះម៉ូតូក្នុងល្បឿនលឿននៅលើដងផ្លូវមានការកើតឡើងក្នុងអំឡុងពេលជាច្រើនឆ្នាំកន្លងមក ។ ក្រុមស្ទាវដែលមិនពាក់មួកសុវត្ថិភាពបានជិះម៉ូតូយា៉ងលឿនបង្ហាញឥរិយាបថគួរឱ្យភ័យខ្លាច ឬប្រណាំងម៉ូតូនៅពេលយប់ ។គួរបញ្ជាក់ថា ក្នុងរវាងពីខែមករា-មីនា ២០១២ ប៉ូលិសចរាចរចាប់ទោចក្រយានយន្តបានជាង២០០គ្រឿង ពីការជិះប្រណាំងគ្នានៅលើដងផ្លូវខាងលើ ដោយប្រើឧបករណ៍បាញ់សំណាញ់ ៕
ចែករំលែកព័តមាននេះ