ព្រះអគ្គីបានឆាបឆេះរថយន្តតូយ៉ូតាស៊េរីទំនើបមួយគ្រឿង ប៉ុន្តែសំណាងល្អដែលស្ត្រីអ្នកបើកបរ និងមិត្តប្រុសបានលោតចេញទាន់ពេល ខណៈសមត្ថកិច្ចសង្ស័យថា មូលហេតុបណ្តាលមកពីមានការទុស្សេចរន្ត កាលពីថ្ងៃទី២៣ មិថុនានៅក្នុងខេត្តភូកេត ។កាសែតថៃផ្សាយថា ក្រោយកើតហេតុសមត្ថកិច្ចប៉ូលិសប្រចាំនៅទីក្រុងភូកេតទទួលបានដំណឹងនេះភ្លាម ក៏ឆ្ពោះទៅចំណុចកើត
ព្រះអគ្គីបានឆាបឆេះរថយន្តតូយ៉ូតាស៊េរីទំនើបមួយគ្រឿង ប៉ុន្តែសំណាងល្អដែលស្ត្រីអ្នកបើកបរ និងមិត្តប្រុសបានលោតចេញទាន់ពេល ខណៈសមត្ថកិច្ចសង្ស័យថា មូលហេតុបណ្តាលមកពីមានការទុស្សេចរន្ត កាលពីថ្ងៃទី២៣ មិថុនានៅក្នុងខេត្តភូកេត ។កាសែតថៃផ្សាយថា ក្រោយកើតហេតុសមត្ថកិច្ចប៉ូលិសប្រចាំនៅទីក្រុងភូកេតទទួលបានដំណឹងនេះភ្លាម ក៏ឆ្ពោះទៅចំណុចកើតហេតុ ហើយឃើញភ្លើងកំពុងឆាបឆេះរថយន្តតូយ៉ូតាទំនើបស៊េរីវីអូស ពណ៌ស ពាក់ស្លាកលេខ ៨៧៧៧ ភូកេត ដ៏សន្ធោសន្ធៅ ហើយត្រូវរថយន្តបាញ់ទឹកពន្លត់ដោយចំណាយពេលប្រហែល៣០នាទី ទើបគ្រប់គ្រងស្ថានការណ៍បាន តែរថយន្តខាងលើត្រូវឆេះខូចខាតទាំងស្រុងទៅហើយ ។
តាមការសាកសួរនៅដំណាក់កាលដំបូងទៅលើនាង កេសសា ថុងនុប អាយុ២៧ឆ្នាំ ជាម្ចាស់រថយន្តបានឱ្យដឹងថា មុនពេលកើតហេតុ នាងកំពុងធ្វើដំណើរឆ្ពោះទៅឃុំរ៉ាវ៉ៃ លុះដល់ពេលចំណុចកើតហេតុ ក៏ធុំក្លិនឈ្ងៀមនៅត្រង់ម៉ាស៊ីន និងមានផ្សែងហុយទ្រលោម ទើបនាងឈប់រថយន្តបម្រុងចុះទៅត្រួតពិនិត្យ ប៉ុន្តែមិនទាន់បានចុះពីរថយន្តផងក៏មានសំឡេងផ្ទុះនៅត្រង់កាបូរថយន្តបណ្តាលឱ្យមានភ្លើងឆាបឆេះសន្ធោសន្ធៅតែម្តង ។
ស្របពេលជាមួយគ្នានេះដែរ នាងនិងមិត្តប្រុសក៏រត់គេចពីរថយន្ត និងសុំការជួយសង្គ្រោះពីអ្នកស្រុកនៅបរិវេណកើតហេតុ ។ នៅក្នុងឧប្បត្តិហេតុនៃការឆាបឆេះរថយន្តក្នុងដំណាក់កាលដំបូង ប៉ូលិសបានសន្និដ្ឋានថា មូលហេតុអាចបណ្តាលមកពីប្រព័ន្ធអគ្គិសនីនៅក្នុងម៉ាស៊ីនទុស្សេ៕
ចែករំលែកព័តមាននេះ