រាជធានីភ្នំពេញ ៖ រថយន្តម៉ាកហ៊ីណូ ពណ៌ទឹកប៊ិក ពាក់ស្លាកលេខ ក-៧៥៤៣ ភព៣ បើកជ្រុលទៅបុករទេះលក់គុយទាវ ដែលកំពុងឈប់លក់នៅលើចិញ្ចើមផ្លូវ បណ្តាលឲ្យក្រឡាប់ធុងដាក់ទឹកស៊ុបស្រោចលើអ្នកលក់រងរបួសធ្ងន់ កាលពីវេលាម៉ោង៨និង៣០នាទីយប់ថ្ងៃទី២៤ មិថុនា តាមផ្លូវកែវចិន្តា ក្នុងក្រុម១២ ភូមិ១ សង្កាត់ជ្រោយចង្វា ខណ្ឌឫស្សីកែវ ។
រាជធានីភ្នំពេញ ៖ រថយន្តម៉ាកហ៊ីណូ ពណ៌ទឹកប៊ិក ពាក់ស្លាកលេខ ក-៧៥៤៣ ភព៣ បើកជ្រុលទៅបុករទេះលក់គុយទាវ ដែលកំពុងឈប់លក់នៅលើចិញ្ចើមផ្លូវ បណ្តាលឲ្យក្រឡាប់ធុងដាក់ទឹកស៊ុបស្រោចលើអ្នកលក់រងរបួសធ្ងន់ កាលពីវេលាម៉ោង៨និង៣០នាទីយប់ថ្ងៃទី២៤ មិថុនា តាមផ្លូវកែវចិន្តា ក្នុងក្រុម១២ ភូមិ១ សង្កាត់ជ្រោយចង្វា ខណ្ឌឫស្សីកែវ ។
ប្រភពព័ត៌មានពីនគរបាលចរាចរខណ្ឌឫស្សីកែវបានឲ្យដឹងថា មុនពេលកើតហេតុរថយន្តម៉ាកហ៊ីណូបើកពីជើងទៅត្បូងក្នុងល្បឿនលឿន ខណៈមកដល់ចំណុចខាងលើ ក៏រេចង្កូតជ្រុលទៅបុករទេះលក់គុយទាវ ដែលកំពុងលក់ឲ្យភ្ញៀវនៅចិញ្ចើមផ្លូវ បណ្តាលឱ្យអ្នកលក់កំពុងអង្គុយលើម៉ូតូ និងម៉ូតូខ្ទាតទៅបោកខ្ទប់នឹងបន្ទប់កាប៊ីនភ្លើង ។ ជាងនេះទៅទៀតរទេះគុយទាវបានក្រឡាប់ធ្វើឱ្យទឹកស៊ុបស្រោចលើអ្នកលក់ពេញខ្លួន បណ្តាលរលាករលួយ ព្រមទាំងចូលភ្នែកទៀតផង ។
ក្រោយពេលកើតហេតុរថយន្តហ៊ីណូនៅមិនទាន់អស់ល្បឿន ក៏ជ្រុលទៅបុករ៉ឺម៉កម៉ូតូដែលចតនៅមុខផ្ទះរុញចូលក្នុងស្មៅជាប់របងផ្ទះគេ ។ បន្ទាប់មករថយន្តបើករត់ទៅមុខប្រមាណ៥០ម៉ែត្រ ទើបអ្នកបើកបរចុះរត់គេចខ្លួនបាត់ ។ រថយន្តត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរផ្លូវគោក ចំណែកជនរងគ្រោះដឹកទៅព្យាបាលនៅគ្លីនិកឯកជនជិតកន្លែងកើតហេតុ ៕
ចែករំលែកព័តមាននេះ