ខេត្តមណ្ឌលគិរី ៖ ទោះបីជា សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញអនុសាសន៍ឱ្យមន្រ្តីក្រោមឱវាទអនុវត្តឱ្យមានប្រសិទ្ធភាពចំពោះបទបញ្ជារឹតបណ្តឹងការដឹកឈើប្រណិឮីតយ៉ាងណាក៏ដោយ ក៏ការដឹកឈើប្រណីតនៅក្នុងស្រុកកែវសីមា នៅតែមានសកម្មភាពគគ្រឹកគគ្រេងហាក់ដូចជាផ្អើនមិនខ្លាចរអាអ្វីឡើយ ។
ខេត្តមណ្ឌលគិរី ៖ ទោះបីជា សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញអនុសាសន៍ឱ្យមន្រ្តីក្រោមឱវាទអនុវត្តឱ្យមានប្រសិទ្ធភាពចំពោះបទបញ្ជារឹតបណ្តឹងការដឹកឈើប្រណីតយ៉ាងណាក៏ដោយ ក៏ការដឹកឈើប្រណីតនៅក្នុងស្រុកកែវសីមា នៅតែមានសកម្មភាពគគ្រឹកគគ្រេងហាក់ដូចជាផ្អើនមិនខ្លាចរអាអ្វីឡើយ ។
ជាក់ស្តែង កាលពីវេលាម៉ោង ១១ និង ៥០នាទី យប់ថ្ងៃទី២៤ មិថុនា ២០១៣ រថយន្តឡិចស៊ីស ១គ្រឿង ពណ៌ស្ករ អត់មានស្លាកលេខ ដឹកឈើប្រណីតពេញ បានបើកចេញពីតំបន់អភិរក្សជីវៈចម្រុះស្រុកកែវសីមា ឆ្លងកាត់ស្រុកកែវសីមា និងស្រុកអូររាំង ដឹកជញ្ជូនចូលក្នុងផ្ទះរបស់ លោក ស៊ូ ម៉ារិទ្ធ អតីតមន្រ្តីកងរាជអាវុធហត្ថស្រុក ដោយការដឹកជញ្ជូននេះ បានរំលងភ្នែកសមត្ថកិច្ចដែលដាក់ក្បាលឡានចាំយកលុយតាមដងផ្លូវយ៉ាងអណាធិបតេយ្យ ។
គួរបញ្ជាក់ថា មុនពេលដឹកឈើប្រណីតយកមកស្តុកនៅផ្ទះ លោក ស៊ូ ម៉ារិទ្ធ រថយន្តបានបើកឆ្លងកាត់ស្នាក់ការជាច្រើនដូចជា ស្នាក់ការអភិរក្សជីវៈចម្រុះស្រុកកែវសីមា អធិការដ្ឋាននគរបាលស្រុកកែវសីមា បញ្ជាការដ្ឋានសឹករងកែវសីមា បញ្ជាការដ្ឋានកងរាជអាវុធហត្ថស្រុកកែវសីមា និងស្នាក់ការការពារសន្តិសុខ៧៦១ ដូច្នេះបើមិនមានការឃុបឃិតគ្នាទេ ក៏ការដឹកជញ្ជូននេះ មិនរលូន និងមិនរំខានដល់សមត្ថកិច្ចបែបនេះឡើយ ។
លើសពីនេះទៀត នៅពេលអ្នកសារព័ត៌មានកោះសន្តិភាពយើងបានព្យាយាមប្រមាញ់ថតរូប ក៏ស្រាប់តែមេឈ្មួញកាងឈើចេញមកបញ្ជាកូនចៅ ៧នាក់ ឱ្យមកស្ទាក់រថយន្ត ហើយជជីកសួរ ដែលសកម្មភាពនេះហាក់ដូចជាគំរាមដល់សុវត្ថិភាពផ្ទាល់ខ្លួនរបស់អ្នកសារព័ត៌មាន ៕
ចែករំលែកព័តមាននេះ