រាជធានីភ្នំពេញ ៖ បុរសម្នាក់បានរងរបួសរលាកពេញខ្លួន ខណៈដែលរថយន្តហ៊ីណូធុនធំ ១គ្រឿង ពណ៌ខៀវ ពាក់ស្លាកលេខ ព-7543 ភព3 ធ្វើដំណើរតាមបណ្តោយផ្លូវកៅចិន្តា ក្នុងទិសដៅពីជើងទៅត្បូង លុះមកដល់ចំណុចខាងជើងវត្តប្រជុំសាគរ ក៏បានរេចង្កូតទៅបុករ៉ឺម៉កម៉ូតូលក់គុយទាវ ហើយបន្តជ្រុលទៅបុករ៉ឺម៉កម៉ូតូ
រាជធានីភ្នំពេញ ៖ បុរសម្នាក់បានរងរបួសរលាកពេញខ្លួន ខណៈដែលរថយន្តហ៊ីណូធុនធំ ១គ្រឿង ពណ៌ខៀវ ពាក់ស្លាកលេខ ព-7543 ភព3 ធ្វើដំណើរតាមបណ្តោយផ្លូវកៅចិន្តា ក្នុងទិសដៅពីជើងទៅត្បូង លុះមកដល់ចំណុចខាងជើងវត្តប្រជុំសាគរ ក៏បានរេចង្កូតទៅបុករ៉ឺម៉កម៉ូតូលក់គុយទាវ ហើយបន្តជ្រុលទៅបុករ៉ឺម៉កម៉ូតូ ១គ្រឿង ទៀតដែលចតស្ងៀម បណ្តាលឱ្យអ្នកលក់គុយទាវរងរបួសធ្ងន់ត្រូវដឹកទៅសង្រ្គោះនៅគ្លីនិកឯកជន ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ៨ និង ៣០នាទី យប់ថ្ងៃទី២៤ មិថុនា ២០១៣ តាមបណ្តោយផ្លូវកៅចិន្តា ក្នុងក្រុមទី១២ ភូមិ១ ស្ថិតក្នុងសង្កាត់ជ្រោយចង្វា ខណ្ឌឫស្សីកែវ ។ ក្រោយកើតហេតុ អ្នកបើកបររថយន្តខាងលើបានគេចខ្លួនបាត់បន្សល់ទុករថយន្តនៅកន្លែងកើតហេតុ ត្រូវសមត្ថកិច្ចនាំយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីធ្វើការដោះស្រាយ ៕
ចែករំលែកព័តមាននេះ