រដ្ឋមន្ត្រីការពារប្រទេសអេហ្ស៊ីប កាលពីថ្ងៃទី២៣ មិថុនា បានព្រមានថា កងទ័ពនឹងចេញធ្វើអន្តរាគមន៍ប្រសិនបើមានការប៉ះទង្គិចគ្នាផ្ទុះឡើងក្នុងប្រទេស នាឱកាសប្រមូលផ្តុំមនុស្សធ្វើបាតុកម្មនាប៉ុន្មានថ្ងៃខាងមុខនេះរបស់ពួកប្រឆាំង នឹងប្រធានាធិបតីលោក ម៉ូហាម៉េដ ម័រស៊ី ។
រដ្ឋមន្ត្រីការពារប្រទេសអេហ្ស៊ីប កាលពីថ្ងៃទី២៣ មិថុនា បានព្រមានថា កងទ័ពនឹងចេញធ្វើអន្តរាគមន៍ប្រសិនបើមានការប៉ះទង្គិចគ្នាផ្ទុះឡើងក្នុងប្រទេស នាឱកាសប្រមូលផ្តុំមនុស្សធ្វើបាតុកម្មនាប៉ុន្មានថ្ងៃខាងមុខនេះរបស់ពួកប្រឆាំង នឹងប្រធានាធិបតីលោក ម៉ូហាម៉េដ ម័រស៊ី ។
រដ្ឋមន្ត្រីរូបនេះលោក អាប់ដែល ហ្វាតាហ៍អាល់ ស៊ីសស៊ី ពេលជិតឈានដល់ខួបលើកទីមួយនៃការឡើងកាន់អំណាចរបស់លោក ម័រស៊ី ហើយបណ្តាប្រមុខពួកប្រឆាំងទាមទារឱ្យលោកលាលែងចេញពីតំណែងថ្លែងថា កងទ័ពមានកាតព្វកិច្ចធ្វើអន្តរាគមន៍ដើម្បីរារាំងអេហ្ស៊ីបកុំឱ្យធ្លាក់ចូលក្នុងរូងងងឹតមួយនៃជម្លោះ និងចលាចល ។ពួកប្រឆាំងលោក ម័រស៊ី ដែលចោទប្រកាន់រូបលោកថា ដណ្តើមយកសមិទ្ធផលនៃបដិវត្តន៍ឆ្នាំ២០១១ ដែលបញ្ចប់របបលោក ហូសី្ឋ មូបារ៉ាក់ បានអំពាវនាវឱ្យប្រមូលផ្តុំមនុស្សយ៉ាងច្រើននាថ្ងៃទី៣០ មិថុនាខាងមុខនេះ ជាថ្ងៃខួបនៃការចូលកាន់តំណែងរបស់លោក ម័រស៊ី ។
រដ្ឋមន្ត្រីរូបនោះអំពាវនាវដល់ពលរដ្ឋអេហ្ស៊ីបឱ្យទុកការខ្វែងទំនាស់គ្នាមួយឡែកសិន ដោយគូសបញ្ជាក់ថា វាជាកាតព្វកិច្ចរបស់កងទ័ពដែលត្រូវរារាំងភាពជ្រួលច្របល់ ។ លោកក៏បានរិះគន់ផងដែរចំពោះអ្នកដែលធ្វើសេចក្តីថ្លែងការណ៍នានាប្រឆាំងកងទ័ព ។
កាលពីថ្ងៃទី២១ មិថុនាកន្លងមកនេះ សមាជិកម្នាក់នៃក្រុមបងប្អូនអ៊ិស្លាមជាចលនារបស់លោក ម័រស៊ី គឺលោក ម៉ូហាម៉េដ អាប់ដែល ហ្វាតាហ៍ហ្គីល បានរិះគន់កងទ័ពក្នុងឱកាសនៃការប្រមូលផ្តុំមនុស្សមួយរៀបចំឡើងដោយពួកអ្នកគាំទ្រលោក ម័រស៊ី ។ រដ្ឋមន្ត្រីការពារប្រទេសនិយាយថា ពួកអ្នកដែលជឿថា យើងធ្វើមិនដឹងមិនឮចំពោះបណ្តាគ្រោះថ្នាក់របស់ប្រជាជនអេហ្ស៊ីបពិតជាយល់ច្រឡំហើយ ។ យើងនឹងមិននៅស្ងៀមឡើយ ពេលប្រទេសប្រឈមមុខនឹងការធ្លាក់ក្នុងអំពើហិង្សា ៕
ចែករំលែកព័តមាននេះ