សុភមង្គលក្នុងគ្រួសារ គឺជាបំណងប្រាថ្នារបស់ជនគ្រប់រូបរស់នៅក្នុងសង្គម និងពិភពលោកមិនថា គ្រួសារណា ស្ថិតក្នុងស្ថានភាពយ៉ាងណានោះទេ គេតែងតែស្វែងរកដ៏លំបាកបំផុត មានគ្រួសារខ្លះគេដឹងពីគន្លឹះរបស់វា ស្រាប់តែសុភមង្គលមួយនេះកើតឡើងដោយមិនបាច់ប្រឹង ម្យ៉ាងសុភមង្គលនេះ គឺជាទ្រព្យផ្លូវចិត្តយ៉ាងពិសិដ្ឋដែលមិនអាចខ្វះបាន ប៉ុន្តែទោះបីជាគ្រួសារខ្លះកើតមាន
សុភមង្គលក្នុងគ្រួសារ គឺជាបំណងប្រាថ្នារបស់ជនគ្រប់រូបរស់នៅក្នុងសង្គម និងពិភពលោកមិនថា គ្រួសារណា ស្ថិតក្នុងស្ថានភាពយ៉ាងណានោះទេ គេតែងតែស្វែងរកដ៏លំបាកបំផុត មានគ្រួសារខ្លះគេដឹងពីគន្លឹះរបស់វា ស្រាប់តែសុភមង្គលមួយនេះកើតឡើងដោយមិនបាច់ប្រឹង ម្យ៉ាងសុភមង្គលនេះ គឺជាទ្រព្យផ្លូវចិត្តយ៉ាងពិសិដ្ឋដែលមិនអាចខ្វះបាន ប៉ុន្តែទោះបីជាគ្រួសារខ្លះកើតមានដោយមិនបាច់ប្រឹងយ៉ាងណាក្តី តែវាមិនប្រាកដថា គ្រប់ក្រុមគ្រួសារសុទ្ធតែបង្កើតបានវានោះទេ ។
ដើម្បីចូលរួមចំណែកចែករំលែកបទពិសោធន៍ដល់លោកអ្នកនូវគន្លឹះមួយចំនួនដែលអាចជួយបង្កើតសុភមង្គលក្នុងគ្រួសារបាននោះ លោកទ្រី ទៀង សព្វថ្ងៃរស់នៅភូមិអូយ៉ូណាក់ ចម្ងាយ១០០គីឡូម៉ែត្រភាគខាងជើងទីក្រុងលីយ៉ុង ជាទីក្រុងធំទី៣ របស់បារាំង បានចូលរួមជាមួយទស្សនាវដ្តីមហាគ្រួសារបង្ហើបពីអាថ៌កំបាំងមួយចំនួនក្នុងការកសាងសុភមង្គលគ្រួសារ។ លោកបានមានប្រសាសន៍ថា «ភាពស្មោះត្រង់ក្នុងគ្រួសារ» ជាមូលដ្ឋានគ្រឹះធំដំបូងបង្អស់នៃសុភមង្គល… ។ គ្រួសារមួយកើតពីការស្រឡាញ់ វេញត្របាញ់និស្ស័យរបស់មនុស្ស២នាក់ បើមិនយល់ចិត្តគ្នា មិនអាចឈានដល់អាពាហ៍ពិពាហ៍បានឡើយ មិនអាចរស់នៅជាមួយគ្នាយូរអង្វែង និងមិនអាចមានសេចក្តីសុខសុភមង្គលឡើយ។
លោកទ្រី ទៀង លើកឡើងថា ការស្រឡាញ់គ្នាក្នុងស្ថានភាពស្នេហាយុវវ័យ ក្រោយមកបង្កើតទៅជាគ្រួសារ ពីដំបូងៗមិនជាអ្វីទេ ព្រោះកំពុងពេញស្រឡាញ់ ប៉ុន្តែនៅពេលរស់នៅជាមួយគ្នាយូរៗទៅ មិនលែងមានកំហុស ចានក្នុងរាវ មិនលែងប៉ះទង្គិច ហេតុនេះវាទាមទារការអត់ឱនយោគយល់គ្នា និងស្មោះត្រង់នឹងរឹងរឹតតែសំខាន់ ព្រោះបើកាលណាមនុស្សបង្ហាញទឹកចិត្តស្មោះត្រង់រៀងខ្លួនហើយ គឺលែងមានមន្ទិល… តែកាលណាលែងមានមន្ទិល គឺលែងមានបញ្ហា… ដូច្នេះភាពស្មោះត្រង់ គឺជាមូលដ្ឋានគ្រឹះនៃសុភមង្គលគ្រួសារ។ ពេលដោះស្រាយបញ្ហាគួរចេះមូលចិត្តមូលគំនិតអធ្យាស្រ័យគ្នា កុំមើលបំណាំចាំតែចាប់កំហុសគ្នា បើខុសត្រូវចេះទទួលស្គាល់ការពិតហើយកែប្រែ និងសម្តែងភាពស្មោះត្រង់ជានិច្ច ។
ជាមួយគ្នានេះដែរ លោកឃីម សុខហេង ប្រិយមិត្ត Facebook ម្នាក់ក៏បានចូលរួមចំណែកផងដែរជុំវិញគន្លឹះកសាងសុភមង្គលគ្រួសារថា គ្រួសារមួយគួរតែ ៖ ១-រស់នៅប្រកបដោយស្នាមញញឹមដាក់គ្នា, ២-រស់នៅដោយគ្មានអំពើហិង្សា, ៣-ឱ្យតម្លៃគ្នា, ៤-ចេះទទួលយកគំនិតគ្នាទៅវិញទៅមក, ៥-យកចិត្តទុកដាក់ចំពោះគ្នា, ៦-គោរពគ្រួសារទាំងសងខាងបងប្អូន និងអ្នកជិតខាង, ៧-សាមគ្គី និងសហការក្នុងគ្រួសារ៕
ចែករំលែកព័តមាននេះ