សក់គឺជាផ្នែកមួយយ៉ាងសំខាន់ដែលជួយលើកទម្រង់មុខក៏ដូចជាសម្រស់ របស់មនុស្សម្នាក់ៗ ជាពិសេសគឺស្ត្រី ប្រសិនបើសក់យើងរលោងភ្លឺថ្លា ធ្ងន់មិនបែកចុងក៏អាចបញ្ជាក់ពីសុខភាពរបស់យើងបានដែរ ។ ទោះជាយ៉ាងណា មានសុភាពនារីមួយចំនួនតែងជួបបញ្ហាសក់ បែកចុងដែលវាបណ្តាលមកពីកត្តាច្រើនយ៉ាង ក្នុងនោះក៏មានកត្កាខ្លួនឯងផងដែរ (មនុស្សជាអ្នកធ្វើឱ្យសក់បែក
សក់គឺជាផ្នែកមួយយ៉ាងសំខាន់ដែលជួយលើកទម្រង់មុខក៏ដូចជាសម្រស់ របស់មនុស្សម្នាក់ៗ ជាពិសេសគឺស្ត្រី ប្រសិនបើសក់យើងរលោងភ្លឺថ្លា ធ្ងន់មិនបែកចុងក៏អាចបញ្ជាក់ពីសុខភាពរបស់យើងបានដែរ ។ ទោះជាយ៉ាងណា មានសុភាពនារីមួយចំនួនតែងជួបបញ្ហាសក់ បែកចុងដែលវាបណ្តាលមកពីកត្តាច្រើនយ៉ាង ក្នុងនោះក៏មានកត្កាខ្លួនឯងផងដែរ (មនុស្សជាអ្នកធ្វើឱ្យសក់បែកចុង)។ មានវិធីខ្លះៗដើម្បីលុបបំបាត់សក់បែកចុង ឬទប់ស្កាត់កុំឱ្យកើតមានបន្ត ។ ចូរសាកល្បងនូវវិធីសាស្ត្រដូចខាងក្រោមនេះ ៖
១-ចូរតម្រឹមសក់ដោយប្រើកន្ត្រៃដែលមុតនិងសម្រាប់តែកាត់សក់ ៖
ការច្រឹបតម្រឹមសក់របស់អ្នកឱ្យបានទៀងទាត់រៀងរាល់៦ទៅ៨សប្តាហ៍ម្តង ដោយប្រើកន្ត្រៃកាត់សក់យ៉ាងមុតគឺជាវិធីសាស្ត្រទប់ស្កាត់សក់បែកចុងដ៏មានប្រសិទ្ធភាពមួយ ។
២-ចូរកាត់ច្រឹបចុងសក់ឱ្យត្រង់ ៖
ក្រៅពីការប្រើប្រាស់កន្ត្រៃដ៏មុត ទិសដៅនៃការកាត់តម្រឹមក៏សំខាន់ណាស់ដែរ ។ ចូរកាត់សក់ឱ្យត្រង់និងស្មើដៃ ដ្បិតការកាត់មិនស្មើដៃ និងវៀចអាចបង្កើនការបែកចុងបន្ថែមទៀត ។
៣-ចៀសវាងកាត់តម្រឹមពេលសក់សើម ៖
អ្នកអាចកាត់តម្រឹមបានក្នុងពេលដែលសក់ស្ងួតប៉ុណ្ណោះ ។ មនុស្សមួយចំនួនចូលចិត្ដធកាត់សក់ ក្នុងពេលសក់កំពុងសើម ព្រោះវាមិនហុយ និងរសាត់ តែពួកគេមិនដឹងថា ទង្វើរបស់ខ្លួននោះ អាចនាំឱ្យសក់ពួកគេបែកចុងទេ ។ ចូរគិតស្រមៃនៅពេលដែលអ្នកកាត់ក្រដាសសើម តើអ្នកជួបបញ្ហាបែបណា?
៤-ចូរចៀសវាងកុំឱ្យសក់ត្រូវកម្ដៅខ្លាំង ៖
ជារឿយៗកម្ដៅគឺជាបុព្វហេតុសំខាន់ បណ្ដាលឱ្យសក់មានរបួសនាំទៅរកការបែកចុង ។ បន្ថែមពីលើនេះ កម្ដៅជាបណ្ដោះអាសន្នបានបំផ្លាញរចនាសម្ព័ន្ធប្រូតេអីុនរបស់សក់ដែលមាននាទីទ្រទ្រង់តុល្យភាពសំណើម។ ឯការប្រើឧបករណ៍ផ្លុំកៀបសក់ ឬសម្ងួតសក់ជារឿយៗ ក៏គួរតែចៀសវាងដែរ។
៥-កាត់បន្ថយការប្រើប្រាស់សារធាតុគីមី ៖
ការប្រើសារធាតុគីមី ដើម្បីប្ដូរពណ៌សក់ ឬថ្នាំលាបពន្លាសក់ច្រើនពេក ក៏អាចបណ្ដាលឱ្យខូចសក់បានដែរ ជាពិសេសនៅពេលដែលថ្នាំទាំងនោះជ្រាបចូលជ្រៅទៅក្នុងស្បែកគល់សក់។ក្នុងពេលដែលថ្នាំលាបទាំងនេះ ជ្រាបចូលជ្រៅវានឹងបំផ្លាញស្បែកគល់សក់នាំឱ្យវាចុះខ្សោយ ហើយទីបំផុតធ្វើឱ្យសក់បែកចុង ៕
ចែករំលែកព័តមាននេះ