តើមានការផ្លាស់ប្តូរឥរិយាបថមួយរបស់ចិនចំពោះសម្ព័ន្ធមិត្តកូរ៉េខាងជើងរបស់ប្រទេសនេះដែរឬទេ ? ប្រភពមួយរបស់ អ.ស.ប លាតត្រដាងថា មានការផ្លាស់ប្តូរឥរិយាបថយ៉ាងដុំកំភួនមួួយពីសំណាក់ប្រទេសចិន លើបញ្ហាដាក់ទណ្ឌកម្មប្រឆាំងកូរ៉េខាងជើង និងថាចំណុច២ដែលពុំទាន់សម្រេចបានបើគ្មានការព្រមព្រៀងរបស់ចិន ត្រូវបានដោះស្រាយហើយនាពេលថ្មីៗនេះ ។ ចំណុចទាំង
តើមានការផ្លាស់ប្តូរឥរិយាបថមួយរបស់ចិនចំពោះសម្ព័ន្ធមិត្តកូរ៉េខាងជើងរបស់ប្រទេសនេះដែរឬទេ ? ប្រភពមួយរបស់ អ.ស.ប លាតត្រដាងថា មានការផ្លាស់ប្តូរឥរិយាបថយ៉ាងដុំកំភួនមួួយពីសំណាក់ប្រទេសចិន លើបញ្ហាដាក់ទណ្ឌកម្មប្រឆាំងកូរ៉េខាងជើង និងថាចំណុច២ដែលពុំទាន់សម្រេចបានបើគ្មានការព្រមព្រៀងរបស់ចិន ត្រូវបានដោះស្រាយហើយនាពេលថ្មីៗនេះ ។ ចំណុចទាំង២នោះទាក់ទិនដល់ការពង្រឹងបុគ្គលិកនៃក្រុមអ្នកជំនាញការនៅអមគណៈកម្មាធិការដាក់ទណ្ឌកម្មរបស់ អ.ស.ប ប្រឆាំងកូរ៉េខាងជើង បន្ទាប់មកគឺការលាតត្រដាងជាសាធារណៈនូវបញ្ជីនៃទណ្ឌកម្ម បន្ថែមទៀត និងរបាយការណ៍របស់ក្រុមអ្នកជំនាញការ ។
គណៈកម្មាធិការដាក់ទណ្ឌកម្មរួមមាន តំណាង១៥រូប របស់បណ្តាប្រទេសជាសមាជិកក្រុមប្រឹក្សាសន្តិសុខ អ.ស.ប ក្នុងនោះមានសហរដ្ឋអាមេរិក ចិន រុស្សុី អង់គ្លេស បារាំង សម្រាប់សមាជិកអចិន្ត្រៃយ៍ និងប្រទេសជាសមាជិកមិនអចិន្ត្រៃយ៍ ក្នុងនោះមាន ជប៉ុន និងកូរ៉េខាងត្បូងផងដែរ ។
កាយវិការនេះនឹងអាចចាត់ទុកថា ជាការផ្លាស់ប្តូរមួយនៃឥរិយាបថរបស់ចិន ដែលជាប្រពៃណីតែងតែអកម្មចំពោះទណ្ឌកម្មប្រឆាំងកូរ៉េខាងជើង ហើយជួនកាលចេញមុខប្រឆាំងថែមទៀតផង ។ ជាការគួរឱ្យកត់សម្គាល់ ម៉្យាងទៀតថា ប្រធានាធិបតីចិន លោក ស៊ី ជីនពីង បាននិយាយបង្ក្រាបមេដឹកនាំវ័យក្មេងកូរ៉េខាងជើង លោក គីម ជុងអ៊ុន ក្នុងឱកាសនៃការជួបគ្នាកំពូលនាពេលថ្មីៗនេះជាមួយប្រធានាធិបតីអាមេរិក លោក បារ៉ាក់ អូបាម៉ា ទៀតផង ។
ប្រភព អ.ស.ប អះអាងថា មានសំណើមួយឱ្យបន្ថែមបុគ្គលិកម្នាក់ក្នុងគណៈកម្មាធិការដាក់ទណ្ឌកម្មប្រឆាំងកូរ៉េខាងជើង ដើម្បីឱ្យគណៈកម្មាធិការនោះមានសមាជិក៨រូប ដូចគណៈកម្មាធិការដាក់ទណ្ឌកម្មប្រឆាំងអុីរ៉ង់ ហើយចិនបានយល់ស្របដែលនឹកស្មានមិនដល់ទៀតផង ។ ក្រោយការយល់ស្របនេះ គណៈកម្មាធិការដាក់ទណ្ឌកម្ម នឹងជ្រើសរើសអ្នកជំនាញការម្នាក់របស់ប្រទេសអាហ្វ្រិកណាមួយសម្រាប់បំពេញជូរគណៈកម្មាធិការដាក់ទណ្ឌកម្ម ។ នោះជាសញ្ញាមួយបង្ហាញថា ចិនចាប់អារម្មណ៍ចំពោះសំណុំរឿងដាក់ទណ្ឌកម្ម ហើយធ្វើសកម្មភាពកាន់តែខ្លាំងឡើង ។
ទាក់ទិនដល់ការលាតត្រដាងជាសាធារណៈនូវបញ្ជីដាក់ទណ្ឌកម្មបន្ថែមទៀត និងរបាយការណ៍របស់ក្រុមអ្នកជំនាញការចិនអះអាងថា ចិនក៏យល់ព្រមលើបញ្ហានោះដែរ រួចអាចចេញផ្សាយក្នុងសប្តាហ៍នេះផង ។ បញ្ជីទណ្ឌកម្មបន្ថែម និងរបាយការណ៍របស់គណៈកម្មាធិការដាក់ទណ្ឌកម្មពិតណាស់ពុំអាចចេញផ្សាយជាសាធារណៈជាមួយការយល់ព្រមរបស់ចិននោះទេ ។ ប្រភពមួយទៀតរបស់ អ.ស.ប បានវិភាគលើការផ្លាស់ប្តូរឥរិយាបថរបស់ចិនថា ប្រការនេះពុំអាចនិយាយថា បណ្តាវិធានការដាក់ទណ្ឌកម្មបន្ថែមអាចអនុម័តក្នុងពេលភ្លាមៗឡើយ ទោះបីមានការយល់ព្រមរបស់ចិន ឱ្យមានការលាតត្រដាង ប៉ុន្តែជាមួយការផ្លាស់ប្តូរឥរិយាបថនោះ ការអនុម័តដាក់ទណ្ឌកម្មបន្ថែមក្លាយទៅជាអាចទៅរួច ៕
ចែករំលែកព័តមាននេះ