រាជធានីភ្នំពេញ ៖ រថយន្ដម៉ាកហាយឡែនឌ័រ ពណ៌ខ្មៅ មួយគ្រឿងបើកបោះពួយជ្រុលបុករនាំងដែកចែកផ្លូវនៅតាមមហាវិថីសហព័ន្ធរុស្សុី បណ្ដាលឱ្យបាក់ចំនួន៤ផ្ទាំង រួចព្យាយាមបើករត់រហូតដល់មុខផ្សារទឹកថ្លា ក្នុងសង្កាត់ទឹកថ្លា ក៏ធ្លាក់កាងរថយន្ដជាមួយនឹងស្លាកលេខ ភ្នំពេញ2M-1241 ។ ទោះបីជាបែបណារថយន្ដបើកគេចបាត់ស្រមោល ។ គ្រោះថ្នាក់រថយន្ដបុករនាំងដែក
រាជធានីភ្នំពេញ ៖ រថយន្ដម៉ាកហាយឡែនឌ័រ ពណ៌ខ្មៅ មួយគ្រឿងបើកបោះពួយជ្រុលបុករនាំងដែកចែកផ្លូវនៅតាមមហាវិថីសហព័ន្ធរុស្សុី បណ្ដាលឱ្យបាក់ចំនួន៤ផ្ទាំង រួចព្យាយាមបើករត់រហូតដល់មុខផ្សារទឹកថ្លា ក្នុងសង្កាត់ទឹកថ្លា ក៏ធ្លាក់កាងរថយន្ដជាមួយនឹងស្លាកលេខ ភ្នំពេញ2M-1241 ។ ទោះបីជាបែបណារថយន្ដបើកគេចបាត់ស្រមោល ។ គ្រោះថ្នាក់រថយន្ដបុករនាំងដែកនេះកើតឡើងកាលពីវេលាម៉ោង១១និង១៥នាទីយប់ថ្ងៃទី២៣ មិថុនា តាមបណ្ដោយមហាវិថីសហព័ន្ធរុស្សុី ក្នុងសង្កាត់ផ្សារដេប៉ូទី៣ ខណ្ឌទួលគោក ។
សមត្ថកិច្ចឱ្យដឹងថា មុនពេលកើតហេតុ រថយន្ដម៉ាកហាយឡែនឌ័រ ពណ៌ខ្មៅមួយគ្រឿងបើកតាមមហាវិថីសហព័ន្ធរុស្សុីក្នុងទិសដៅពីកើតទៅលិច ។ ពេលធ្វើដំណើរមកដល់ចំណុចកើតហេតុ ហួសស្ដុបវត្ដនាគវន្ដស្រាប់តែរេចង្កូតទៅខាងឆ្វេងដៃជ្រុលបុករនាំងដែក បណ្ដាលឱ្យបាក់ចំនួន៤ផ្ទាំង ។ បន្ទាប់ពីបុករនាំងដែក ហើយរថយន្ដបើករត់គេចចេញពីកន្លែងកើតហេតុ រហូតទៅដល់មុខផ្សារទឹកថ្លា ក៏ធ្លាក់កាងខាងមុខ តែរថយន្ដនៅតែបើករត់គេចបាត់ ។ កាងរថយន្ដដែលមានស្លាកលេខត្រូវប៉ូលិសការិយាល័យចរាចរណ៍ផ្លូវគោកយកទៅរក្សាទុក ដើម្បីស្រាវជ្រាវរកម្ចាស់រថយន្ដឱ្យចូលខ្លួនដោះស្រាយតាមផ្លូវច្បាប់ ៕
ចែករំលែកព័តមាននេះ