យ៉ាងហោចមានអ្នកស្លាប់១៣នាក់ និង៣២នាក់ទៀតរងរបួស នៅក្នុងឧបទ្ទវហេតុរថយន្តក្រុងដឹកភ្ញៀវទេសចរជនជាតិរ៉ូម៉ានី ធ្លាក់ទៅក្នុងជ្រោះដ៏ជ្រៅក្នុងប្រទេសម៉ុងតេណេហ្គ្រោកាលពីថ្ងៃទី២៣ មិថុនា ។ ប្រភពពីទីភ្នាក់ងារបរទេសកាលពីថ្ងៃទី២៤ មិថុនាផ្សាយឱ្យដឹងថា លោក រ៉ាស្កូ ខុនជេវិច រដ្ឋមន្ត្រីក្រសួងមហាផ្ទៃប្រទេសម៉ុងតេណេហ្គ្រោបានថ្លែងថា រថយន្តក្រុងដឹកភ្ញៀវទេសចរជនជាតិ
យ៉ាងហោចមានអ្នកស្លាប់១៣នាក់ និង៣២នាក់ទៀតរងរបួស នៅក្នុងឧបទ្ទវហេតុរថយន្តក្រុងដឹកភ្ញៀវទេសចរជនជាតិរ៉ូម៉ានី ធ្លាក់ទៅក្នុងជ្រោះដ៏ជ្រៅក្នុងប្រទេសម៉ុងតេណេហ្គ្រោកាលពីថ្ងៃទី២៣ មិថុនា ។ ប្រភពពីទីភ្នាក់ងារបរទេសកាលពីថ្ងៃទី២៤ មិថុនាផ្សាយឱ្យដឹងថា លោក រ៉ាស្កូ ខុនជេវិច រដ្ឋមន្ត្រីក្រសួងមហាផ្ទៃប្រទេសម៉ុងតេណេហ្គ្រោបានថ្លែងថា រថយន្តក្រុងដឹកភ្ញៀវទេសចរជនជាតិរ៉ូម៉ានីចំនួន៤៥នាក់ បានធ្លាក់ចូលក្នុងជ្រោះនៅភាគខាងជើងរដ្ឋធានីប៉ុដហ្គោរីកាប្រហែល៣០គីឡូម៉ែត្រ ។
រថយន្តក្រុងខាងលើបានធ្វើដំណើរចាកចេញពីប្រទេសរ៉ូម៉ានីឆ្ពោះទៅឆ្នេរសមុទ្រអេឌ្រៀទិកប្រទេសម៉ុងតេណេហ្គ្រោ ។ ប៉ូលិសនៅក្នុងប្រទេសនេះឱ្យដឹងថា រថយន្តក្រុងបានជ្រុលធ្លាក់ពីលើស្ពានឆ្លងទន្លេម៉ូរ៉ាហ្គា ខណៈពេលកំពុងមានព្យុះភ្លៀងចូលទៅក្នុងជ្រោះជម្រៅប្រហែល៤០ម៉ែត្រ ។ ក្រុមសង្គ្រោះបន្ទាន់បានប្រើឧទ្ធម្ភាគចក្រធ្វើការជួយសង្គ្រោះក្នុងឧបទ្ទវហេតុខាងលើ។ គ្រោះថ្នាក់ចរាចរណ៍ដ៏រន្ធត់នេះបណ្តាលឱ្យមនុស្សស្លាប់ចំនួន១៣នាក់ និង៣២នាក់ទៀតរងរបួស ប៉ុន្តែតួលេខអ្នកស្លាប់អាចកើនខ្ពស់ជាងនេះ ព្រោះមានអ្នករបួសចំនួន៧នាក់មានសភាពធ្ងន់ធ្ងរ ។
ដងផ្លូវដ៏សំខាន់នៅភាគខាងជើងតំបន់ខាងលើឆ្លងកាត់ជ្រលងភ្នំម៉ូរ៉ាហ្គាមុនពេលទៅដល់ឆ្នេរសមុទ្រ ដែលរមែងកើតមានឧបទ្ទវហេតុធ្លាក់រថយន្តជាច្រើនលើក ព្រោះផ្លូវមានលក្ខណៈតូចចង្អៀត និងមានចំណោត ជាពិសេសរឹតតែក្រោះថ្នាក់ថែមទៀតនៅក្នុងអំឡុងពេលមានភ្លៀងធ្លាក់៕
ចែករំលែកព័តមាននេះ