ខេត្តស្ទឹងត្រែង៖ អ្នកភូមិនៃស្រុកសៀមបូក បានបង្ហាញរូបចម្លាក់ធ្វើពីលោហធាតុចំនួន១៤រូប ដោយរូបទាំងនោះគេឆ្លាក់ជាមនុស្សនៃក្រុមតន្ត្រីភ្លេងបុរាណ។ រូបចម្លាក់ទាំង១៤រូបនោះត្រូវបានគេអះអាងថា ជាវត្ថុបុរាណផ្សំពីស្ពាន់ លាយនឹងមាសស្រួយដោយរូបនីមួយៗ សុទ្ធតែខុសគ្នាទាំងអស់មាន កាន់ទ្រ វាយស្គរ គោះឆាក និ
ខេត្តស្ទឹងត្រែង៖ អ្នកភូមិនៃស្រុកសៀមបូក បានបង្ហាញរូបចម្លាក់ធ្វើពីលោហធាតុចំនួន១៤រូប ដោយរូបទាំងនោះគេឆ្លាក់ជាមនុស្សនៃក្រុមតន្ត្រីភ្លេងបុរាណ។ រូបចម្លាក់ទាំង១៤រូបនោះត្រូវបានគេអះអាងថា ជាវត្ថុបុរាណផ្សំពីស្ពាន់ លាយនឹងមាសស្រួយដោយរូបនីមួយៗ សុទ្ធតែខុសគ្នាទាំងអស់មាន កាន់ទ្រ វាយស្គរ គោះឆាក និងសម្ដែងរបាំជាដើម។
ចម្លាក់ពីលោហធាតុនេះ ត្រូវបានប្រជាពលរដ្ឋអះអាងថាជាវត្ថុស័ក្កិសិទ្ធិ បានផុសឡើងនៅចំកណ្ដាលចំការក្រោមដើមចំបក់ធំ ខាងក្រោយផ្ទះគ្រួសារកសិករមួយចម្ងាយ១គីឡូម៉ែត្រ ស្ថិតក្នុងភូមិអូរឬស្សីកណ្ដាល ឃុំអូរឬស្សីកណ្ដាល ស្រុកសៀមបូក។
ស្រ្តីកសិករ សោម សារុន អាយុ៥១ឆ្នាំ ជាអ្នកថែរក្សាវត្ថុទាំងនោះបានឱ្យដឹងកាលពីថ្ងៃទី២៣ មិថុនា ២០១៣ ថា រូបចម្លាក់ទាំងនោះបានផុសចេញពីដីចំការតាំងពីថ្ងៃ៥កើត ខែចេត្រ ជាថ្ងៃចូលឆ្នាំប្រពៃណីខ្មែរ ២០១៣ ម្លេះ តែគាត់មិនបានលេចឮ ផ្សាយដំណឹងទៅណាឡើយ៕
ចែករំលែកព័តមាននេះ