រាជធានីភ្នំពេញ ៖ រថយន្តម៉ាកហុងដា ពណ៌ខ្មៅ ពាក់ស្លាកលេខភ្នំពេញ 2E-2373 បើកបរដោយយុវជនម្នាក់ រួមដំណើរជាមួយឪពុកបានជ្រុលបុករះចូលភោជនីយដ្ឋានលក់គ្រឿងក្លែមមួយកន្លែង ស្ថិតនៅតាមបណ្តោយផ្លូវលេខ៤៣០ សង្កាត់ទួលទំពូងទី២ ខណ្ឌចំការមន កាលពីវេលាម៉ោង១និង៥០នាទីរសៀលថ្ងៃទី២៣ មិថុនា បណ្តាលឱ្យអ្នកជិះក្នុងរថយន្តទាំងពីរនាក់ឪពុកកូនរង
រាជធានីភ្នំពេញ ៖ រថយន្តម៉ាកហុងដា ពណ៌ខ្មៅ ពាក់ស្លាកលេខភ្នំពេញ 2E-2373 បើកបរដោយយុវជនម្នាក់ រួមដំណើរជាមួយឪពុកបានជ្រុលបុករះចូលភោជនីយដ្ឋានលក់គ្រឿងក្លែមមួយកន្លែង ស្ថិតនៅតាមបណ្តោយផ្លូវលេខ៤៣០ សង្កាត់ទួលទំពូងទី២ ខណ្ឌចំការមន កាលពីវេលាម៉ោង១និង៥០នាទីរសៀលថ្ងៃទី២៣ មិថុនា បណ្តាលឱ្យអ្នកជិះក្នុងរថយន្តទាំងពីរនាក់ឪពុកកូនរងរបួសធ្ងន់ ឯរថយន្តរងការខូចខាតរួមជាមួយរបងភោជនីយដ្ឋានបានបាក់អស់មួយផ្ទាំង និងស្លាកយីហោហាងដួលទ្រេតស្ទើរដល់ដី។
សាក្សីនិយាយថា មុនពេលកើតហេតុរថយន្តខាងលើបើកបរតាមបណ្តោយផ្លូវលេខ១៦៧ ក្នុងទិសដៅពីលិចទៅកើត លុះដល់ចំណុចផ្លូវកែងលេខ៤៣០ អ្នកបើកបររថយន្តបានបត់ស្តាំឆ្ពោះទៅតាមផ្លូវលេខ៤៣០ ក្នុងទិសដៅពីជើងទៅត្បូងវិញ ហើយក៏ជ្រុលល្បឿនទៅបុករះចូលក្នុងហាងខាងលើដែលនៅឆ្វេងដៃទាំងកំរោល តែម្តង ។ ក្រោយពេលកើតហេតុ ឪពុកកូន២នាក់ដែលជិះក្នុងរថយន្តរងរបួសធ្ងន់ដោយសារបោកក្បាលនឹងកញ្ចក់រថយន្តត្រូវបញ្ជូនទៅមន្ទីរពេទ្យមិត្តភាពខ្មែរ-សូវៀត ។ យុវជនជាកូនឈ្មោះ ទិត្យ គីរីសិរីរតនា អាយុ២២ឆ្នាំ មានលំនៅភូមិសន្សំកុសល សង្កាត់បឹងទំពុន ខណ្ឌមានជ័យ ។ ចំណែកឪពុកមិនត្រូវបានស្គាល់អត្តសញ្ញាណទេ ។
ប្រភពព័ត៌មានក្រៅផ្លូវការបានឱ្យដឹងថា មូលហេតុដែលយុវជនរងគ្រោះបើករថយន្តជ្រុលទៅបុករះចូលភោជនីយដ្ឋានខាងលើ ដោយសារតែបើករត់គេចពីការដេញគប់ដំថ្មរបស់ក្រុមក្មេងស្ទាវ ព្រោះតែរឿងគ្រោះថ្នាក់ចរាចរណ៍បន្តិចបន្តួចនៅលើផ្លូវលេខ២៧១ ។ ការខូចខាតសម្រាប់ភោជនីយដ្ឋានត្រូវម្ចាស់រថយន្តធានាសងទាំងស្រុងទៅម្ចាស់ហាង ៕
ចែករំលែកព័តមាននេះ