ខេត្តបាត់ដំបង ៖ គ្រោះថ្នាក់ចរាចរណ៍មួយបណ្តាលឱ្យរថយន្តចំនួន៣គ្រឿងរងការខូចខាតមធ្យម ខណៈពេលបុកគ្នាជាបន្តបន្ទាប់នៅលើកំណាត់ផ្លូវជាតិលេខ៥៧នៅត្រង់ចំណុចផ្លូវបំបែកជា៤ ស្ថិតក្នុងភូមិវត្តគ សង្កាត់វត្តគ ក្រុងបាត់ដំបង បង្កឱ្យមានការភ្ញាក់ផ្អើលកាលពីវេលាម៉ោង៣ និង២០នាទីរសៀល ថ្ងៃទី២៣ មិថុនា ២០១៣។
ខេត្តបាត់ដំបង ៖ គ្រោះថ្នាក់ចរាចរណ៍មួយបណ្តាលឱ្យរថយន្តចំនួន៣គ្រឿងរងការខូចខាតមធ្យម ខណៈពេលបុកគ្នាជាបន្តបន្ទាប់នៅលើកំណាត់ផ្លូវជាតិលេខ៥៧នៅត្រង់ចំណុចផ្លូវបំបែកជា៤ ស្ថិតក្នុងភូមិវត្តគ សង្កាត់វត្តគ ក្រុងបាត់ដំបង បង្កឱ្យមានការភ្ញាក់ផ្អើលកាលពីវេលាម៉ោង៣ និង២០នាទីរសៀល ថ្ងៃទី២៣ មិថុនា ២០១៣។
គ្រោះថ្នាក់ចរាចរណ៍នេះបង្កឡើងដោយរថយន្តធុនធ្ងន់ប្រភេទយីឌុបរបស់ក្រុមហ៊ុន HC ពាក់ស្លាកលេខតាកែវ៣A០៦១៧ ធ្វើដំណើរក្នុងទិសដៅពីកើតទៅលិចក្នុងល្បឿនយ៉ាងលឿនបានបើកបុករថយន្តដឹកដីធុនតូចមួយគ្រឿងទៀតពាក់ស្លាកលេខភ្នំពេញ៣A២៩២២ ធ្វើដំណើរក្នុងទិសដៅពីត្បូងទៅជើងកាត់ទទឹងផ្លូវចំពីចំហៀងបណ្តាលឱ្យជ្រុះដីរាយពេញថ្នល់ រួចរេកន្ទុយរថយន្តទៅបុករថយន្តកាមរីឆ្លាមពណ៌ស្ករ១គ្រឿងផ្សេងទៀត ពាក់ស្លាកលេខ២K០៤៤៦ ដែលឈប់នៅក្បែរចិញ្ចើមផ្លូវបម្រុងឆ្លងថ្នល់បណ្តាលឱ្យក្រពិតផ្នែកខាងមុខ ។ គ្រោះថ្នាក់ចរាចរណ៍នេះមិនបណ្តាលឱ្យមនុស្សណាម្នាក់រងរបួសទេ ។
ក្រោយពេលកើតហេតុអ្នកបើកបរ និងព្រូរថយន្តបង្កហេតុរត់គេចខ្លួនបាត់ស្រមោល ចំណែកអ្នកបើកបររថយន្តកាមរីឆ្លាមមិនទាន់ត្រូវបានគេស្គាល់ឈ្មោះនៅឡើយ។គេមិនទាន់ដឹងពីមូលហេតុបណ្តាលឲ្យកើតមានគ្រោះថ្នាក់ចរាចរណ៍នេះច្បាស់លាស់នៅឡើយទេ ពេលនេះសមត្ថកិច្ចកំពុងធ្វើការវាស់វែងនៅកន្លែងកើតហេតុ។
គួររំលឹកផងដែរថា កាលពីវេលាម៉ោងជិត ៦ល្ងាច ថ្ងៃទី១០ មិថុនា ២០១៣គ្រោះ ថ្នាក់ចរាចរណ៍ដ៏សាហាវមួយបានបង្កឲ្យរថយន្ត ៣គ្រឿង ក្នុងចំណោម ៥គ្រឿង ធំតូចត្រូវខូចខាតយ៉ាងដំណំ ខណៈពេលបុកគ្នាជាបន្តបន្ទាប់លើកំណាត់ផ្លូវជាតិលេខ៥ ខ្លះខ្ទេចខ្លះក្រឡាប់ផ្ងារជើងកណ្តាលទ្រូងផ្លូវក្នុងភូមិផ្សារ កណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ៕
ចែករំលែកព័តមាននេះ