ខេត្តប៉ៃលិន ៖ បុរសម្នាក់បានរងរបួសធ្ងន់ និង ៣នាក់ ទៀតរងរបួសស្រាល ខណៈដែលម៉ូតូវីវ៉ា ពណ៌ក្រហម អត់ស្លាកលេខ ១គ្រឿង ជិះដោយបុរសម្នាក់ ធ្វើដំណើរតាមបណ្តោយផ្លូវជាតិលេខ៥៧ ក្នុងទិសដៅពីកើតទៅលិច លុះមកដល់ផ្លូវកែងចូលចម្ការកាហ្វេ ស្ថិតក្នុងភូមិអូរច្រាកើត ម៉ូតូខាងលើបានបត់ឆ្វេង ក៏ត្រូវម៉ូតូស្មាស់រីវ៉ូ
ខេត្តប៉ៃលិន ៖ បុរសម្នាក់បានរងរបួសធ្ងន់ និង ៣នាក់ ទៀតរងរបួសស្រាល ខណៈដែលម៉ូតូវីវ៉ា ពណ៌ក្រហម អត់ស្លាកលេខ ១គ្រឿង ជិះដោយបុរសម្នាក់ ធ្វើដំណើរតាមបណ្តោយផ្លូវជាតិលេខ៥៧ ក្នុងទិសដៅពីកើតទៅលិច លុះមកដល់ផ្លូវកែងចូលចម្ការកាហ្វេ ស្ថិតក្នុងភូមិអូរច្រាកើត ម៉ូតូខាងលើបានបត់ឆ្វេង ក៏ត្រូវម៉ូតូស្មាស់រីវ៉ូ ពណ៌ក្រហម ១គ្រឿង ពាក់ស្លាកលេខ បាត់ដំបង 1B-8901 ជិះគ្នា ៣នាក់ ដែលចង់វ៉ាទៅមុខតែអត់ផុត បានបុកពេញទំហឹង គាប់ជួនក៏មានម៉ូតូឌ្រីម ពណ៌ខ្មៅ ១គ្រឿង ពាក់ស្លាកលេខ ប៉ៃលិន 1A-5879 ជិះម្នាក់ឯង បើកមកពីមុខបុកបន្ថែមទៀត បណ្តាលឱ្យម៉ូតូដួលគរលើគ្នា អ្នកបើកបរម៉ូតូវីវ៉ារបួសធ្ងន់ ត្រូវបញ្ជូនទៅសង្រ្គោះនៅមន្ទីរពេទ្យបង្អែកខេត្ត ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ៥ និង ៣០នាទី ល្ងាចថ្ងៃទី២២ មិថុនា ២០១៣ ចំណុចផ្លូវចូលចម្ការកាហ្វេ ស្ថិតក្នុងភូមិអូរច្រាកើត សង្កាត់ទួលល្វា ក្រុងប៉ៃលិន ។ ក្រោយកើតហេតុ ម៉ូតូទាំង ៣គ្រឿង ត្រូវសមត្ថកិច្ចអធិការក្រុងប៉ៃលិន នាំទៅរក្សាទុកនៅការិយាល័យអធិការដ្ឋានក្រុង ដើម្បីធ្វើការដោះស្រាយតាមផ្លូវច្បាប់ ៕
ចែករំលែកព័តមាននេះ