រាជធានីភ្នំពេញ ៖ បុរសម្នាក់បានរងរបួសធ្ងន់បែកក្បាលហូរឈាមត្រូវបញ្ជូនទៅសង្រ្គោះនៅគ្លីនិកឯកជនខណៈដែលគាត់ជិះម៉ូតូគុប៩០ ១គ្រឿង ពណ៌ទឹកប៊ិច ពាក់ស្លាកលេខ ភ្នំពេញ 1K-7286 ធ្វើដំណើរតាមផ្លូវព្រះស៊ីសុវត្ថិ ក្នុងល្បឿនលឿនទិសដៅពីជើងទៅត្បូង លុះមកដល់ចំណុចក្បែរសណ្ឋាគារកាំបូឌីយ៉ាណា
រាជធានីភ្នំពេញ ៖ បុរសម្នាក់បានរងរបួសធ្ងន់បែកក្បាលហូរឈាមត្រូវបញ្ជូនទៅសង្រ្គោះនៅគ្លីនិកឯកជន ខណៈដែលគាត់ជិះម៉ូតូគុប៩០ ១គ្រឿង ពណ៌ទឹកប៊ិច ពាក់ស្លាកលេខ ភ្នំពេញ 1K-7286 ធ្វើដំណើរតាមផ្លូវព្រះស៊ីសុវត្ថិ ក្នុងល្បឿនលឿនទិសដៅពីជើងទៅត្បូង លុះមកដល់ចំណុចក្បែរសណ្ឋាគារកាំបូឌីយ៉ាណា ក៏ស្រាប់តែជ្រុលទៅបុកម៉ូតូស្មាសវី ពណ៌ក្រហម ១គ្រឿង រួចរេចង្កូតអូសទៅបុកម៉ូតូស្មាស់វី ពណ៌ខ្មៅ ១គ្រឿង ទៀតបណ្តាលឱ្យម៉ូតូដួលគរលើគ្នាពេញថ្នល់ ។
ហេតុការណ៍នេះ បានកើតឡើងកាលពីវេលាម៉ោង ១០ និង ២០នាទី យប់ថ្ងៃទី២១ មិថុនា ២០១៣ ចំណុចក្បែរសណ្ឋាគារកាំបូឌីយ៉ាណា ស្ថិតក្នុងសង្កាត់ចតុមុខ ខណ្ឌដូនពេញ ។ ក្រោយកើតហេតុ ម៉ូតូស្មាស់វី ពណ៌ក្រហម បានបើកចេញទៅដោយខ្លួនអត់មានខូចខាត ឬរបួសធ្ងន់ធ្ងរអ្វីឡើយ ចំណែកម៉ូតូគុប និងស្មាស់វី ពណ៌ខ្មៅ ត្រូវសមត្ថកិច្ចនាំយកទៅរក្សាទុកនៅអធិការដ្ឋានខណ្ឌដូនពេញ ដើម្បីធ្វើការដោះស្រាយតាមច្បាប់ ៕
ចែករំលែកព័តមាននេះ