ប្រេងឆៅប្រភេទ West Texas Intermediate សម្រាប់ចែកចាយទីក្រុងញូវយ៉ក បានធ្លាក់ថ្លៃម្តងទៀត បន្ទាប់ពីស្តុកប្រេងអាេមរិកកើនឡើងច្រើនហួសការស្មាន ហើយប្រធានធនាគារកណ្តាលលោក Ben S.Benanke និយាយថា ធនាគារកណ្តាលទំនងជាចាប់ផ្តើមកាត់បន្ថយការទិញសញ្ញាប័ណ្ណនៅក្នុងឆ្នាំនេះ ។
ប្រេងឆៅប្រភេទ West Texas Intermediate សម្រាប់ចែកចាយទីក្រុងញូវយ៉ក បានធ្លាក់ថ្លៃម្តងទៀត បន្ទាប់ពីស្តុកប្រេងអាេមរិកកើនឡើងច្រើនហួសការស្មាន ហើយប្រធានធនាគារកណ្តាលលោក Ben S.Benanke និយាយថា ធនាគារកណ្តាលទំនងជាចាប់ផ្តើមកាត់បន្ថយការទិញសញ្ញាប័ណ្ណនៅក្នុងឆ្នាំនេះ ។
តម្លៃប្រេងឆៅសម្រាប់ចែកចាយនាពេលអនាគតបានធ្លាក់ចុះដល់ទៅ១,៨សេន ខណៈដែលសន្និធិប្រេងឆៅនៅទីក្រុងញូវយ៉កកើនចំនួន៣១៣.០០០បាវែ៉ល កាលពីសប្តាហ៍មុន នេះបើយោងតាមរដ្ឋបាលព័ត៌មានថាមពលបានឱ្យដឹងកាលពីម្សិលមិញ ។
លោក Benanke ថ្លែងថា ធនាគារកណ្តាលអាចចាប់ផ្តើមកាត់បន្ថយការទិញសញ្ញាប័ណ្ណនៅក្នុងឆ្នាំនេះ ហើយបញ្ចប់ទាំងស្រុងនៅឆ្នាំ២០១៤ ប្រសិនបើសេដ្ឋកិច្ចបន្តល្អប្រសើរ ។ ដោយឡែកសកម្មភាពផលិតកម្មរបស់ចិនបានធ្លាក់ចុះនៅក្នុងខែមិថុនា ដោយសន្ទស្សន៍វាស់វែងសេដ្ឋកិច្ច Purchasing Manager’s Index បានធ្លាក់ចុះដល់៤៨,៣នៅក្នុងខែមិថុនា ។
លោក Jonathan Barratt នាយកប្រតិបត្តិក្រុមហ៊ុន Barratt’s Bulletin ប្រចាំទីក្រុងស៊ីដនីនិយាយថា ការផ្លាស់ប្តូរគោលនយោបាយពីធនាគារកណ្តាលនិងកំណើនការផ្គត់ផ្គង់កំពុងប៉ះពាល់ដល់ទីផ្សារ ។ ប្រេងឆៅសម្រាប់ចែកចាយខែកក្កដា នៅទីក្រុងញូវយ៉កបានធ្លាក់ចុះ១,៧៨ដុល្លារមកនៅ៩៦,៤៦ដុល្លារក្នុងមួយបារ៉ែល ខណៈដែលប្រេងឆៅ Brent របស់អង់គ្លេសធ្លាក់ចុះ១,៨៤ដុល្លារក្នុងមួយបារ៉ែល ៕
ចែករំលែកព័តមាននេះ