រាជធានីភ្នំពេញ ៖ យុវជនម្នាក់បានរងរបួសធ្ងន់ធ្ងរត្រូវបានបញ្ជូនទៅសង្រ្គោះភ្លាមៗ ខណៈដែលរូបគេជិះម៉ូតូម៉ាកឃ្លីក ១គ្រឿង ពណ៌ខ្មៅលាយទឹកក្រូច ពាក់ស្លាកលេខ ភ្នំពេញ 1E-0333 ចេញពីក្លិបDJ ធ្វើដំណើរតាមបណ្តោយមហាវិថីព្រះមុនីវង្ស ទិសដៅពីត្បូងទៅជើងក្នុងល្បឿនលឿន លុះមកដល់មុខស្ថានទូតបារំាង ក៏បានជ្រលចង្កូតទៅបុកបង្គោលភ្លើងបំភ្លឺផ្លូវ ១ដើម
រាជធានីភ្នំពេញ ៖ យុវជនម្នាក់បានរងរបួសធ្ងន់ធ្ងរត្រូវបានបញ្ជូនទៅសង្រ្គោះភ្លាមៗ ខណៈដែលរូបគេជិះម៉ូតូម៉ាកឃ្លីក ១គ្រឿង ពណ៌ខ្មៅលាយទឹកក្រូច ពាក់ស្លាកលេខ ភ្នំពេញ 1E-0333 ចេញពីក្លិបDJ ធ្វើដំណើរតាមបណ្តោយមហាវិថីព្រះមុនីវង្ស ទិសដៅពីត្បូងទៅជើងក្នុងល្បឿនលឿន លុះមកដល់មុខស្ថានទូតបារំាង ក៏បានជ្រលចង្កូតទៅបុកបង្គោលភ្លើងបំភ្លឺផ្លូវ ១ដើម បណ្តាលឱ្យកំពិត ហើយជនរងគ្រោះដួលខ្ទប់នឹងថ្នល់ ឯម៉ូតូរងការខូចខាតខ្ទេចមួយកំណាត់មុខ ។
ហេតុការណ៍នេះ បានកើតឡើងកាលពីវេលាម៉ោង ១២ និង ០៥នាទី យប់រំលងអាធ្រាត្រឈានចូលថ្ងៃទី២១ មិថុនា ២០១៣ នៅចំណុចមុខស្ថានទូតបារំាង ស្ថិតក្នុងសង្កាត់ស្រះចក ខណ្ឌដូនពេញ ។ យុវជនរងគ្រោះឈ្មោះ សៅ វណ្ណដេត អាយុ ១៨ឆ្នាំ មុខរបរលក់គ្រឿងរថយន្ត ស្នាក់នៅភូមិព្រែកថ្មី ឃុំព្រែកដំបង ស្រុកមុខកំពូល ខេត្តកណ្តាល ក្រោយកើតហេតុជនរងគ្រោះត្រូវបានដឹកទៅសង្រ្គោះនៅមន្ទីរពេទ្យកាល់ម៉ែត ចំណែកម៉ូតូសមត្ថកិច្ចនាំយកទៅរក្សាទុកនៅអធិការដ្ឋានខណ្ឌដូនពេញ ៕
ចែករំលែកព័តមាននេះ