ខេត្តកណ្តាល ៖ រថយន្តរត់ឈ្នួលមួយគ្រឿងបានបើកមកបុកក្មេងតូច២នាក់ដែលទើបចេញពីសាលាឈរក្បែរចិញ្ចើមផ្លូវប្រុងឆ្លងទៅផ្ទះ បណ្តាលឱ្យបាក់ជើងទាំង២នាក់អូសជាង២០ម៉ែត្រ ទើបរមៀលចេញពីឡាន គួរឱ្យរន្ធត់នាវេលាម៉ោង១១និង៥០នាទីថ្ងៃទី២០ មិថុនា ២០១៣ នេះ ។
ខេត្តកណ្តាល ៖ រថយន្តរត់ឈ្នួលមួយគ្រឿងបានបើកមកបុកក្មេងតូច២នាក់ដែលទើបចេញពីសាលាឈរក្បែរចិញ្ចើមផ្លូវប្រុងឆ្លងទៅផ្ទះ បណ្តាលឱ្យបាក់ជើងទាំង២នាក់អូសជាង២០ម៉ែត្រ ទើបរមៀលចេញពីឡាន គួរឱ្យរន្ធត់នាវេលាម៉ោង១១និង៥០នាទីថ្ងៃទី២០ មិថុនា ២០១៣ នេះ ។
ព័ត៌មានពីកន្លែងកើតហេតុឱ្យដឹងថា រថយន្តបង្កហេតុជាប្រភេទរថយន្តឈ្នួលម៉ាកដូពិច អត់ស្លាកលេខ បើកបរតាមបណ្តោយផ្លូវជាតិលេខ១ ពីអ្នកលឿងទៅភ្នំពេញ ដោយបុរសឈ្មោះបក់ រ័ត្ន អាយុ២២ឆ្នាំ មានទីលំនៅភូមិឈើកាច់ ឃុំឈើកាច់ ខេត្តព្រៃវែង ។ ឯកុមាររងគ្រោះម្នាក់ឈ្មោះផល សុខលី ភេទស្រី អាយុ៧ឆ្នាំ រៀនថ្នាក់ទី២ និងម្នាក់ទៀតឈ្មោះហេង នីម ភេទប្រុស ជាបងអាយុ១១ឆ្នាំ រៀនថ្នាក់ទី៥ ។ មុនពេលកើតហេតុគេឃើញកុមារទាំង២នាក់ចេញពីសាលា រួចដើរមកឈរកៀកចិញ្ចើមផ្លូវខាងស្តាំនៅចំណុចមុខវត្តសំរូងក្អែរ ភូមិសំរូងក្អែរ ឃុំសំរូងធំ ស្រុកកៀនស្វាយ ប្រុងឆ្លងផ្លូវទៅផ្ទះ ស្រាប់តែរថយន្តមកពីទិសអ្នកលឿងបើកមកយ៉ាងលឿនមកបុកក្មេងទាំង២ អូសជាង២០ម៉ែត្របង្កឱ្យរបួសធ្ងន់បាក់ជើងទាំង២នាក់ ហើយព្យាយាមបើករត់គេចបានជាង២០០ម៉ែត្រ ត្រូវក្រុមពលរដ្ឋនៅក្បែរនោះឃើញក៏តាមឃាត់ទាក់រថយន្តបាន ។
ឥឡូវនេះទាំងរថយន្ត និងអ្នកបើកបរបង្កហេតុត្រូវសមត្ថកិច្ចចាត់ការកសាងសំណុំរឿង ដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ