ក្រុមហ៊ុនអីុនធើរណេតយក្សGoogle កំពុងសាកល្បងបង្ហោះបាឡុងដែលប្រើបច្ចេកវិទ្យាខ្ពស់ចំនួន៣០បាឡុងដើម្បីផ្ដល់ប្រព័ន្ធអីុនធើរណេតដល់ទីកន្លែងដែលប្រជាជនជាច្រើនមិនទាន់បានភ្ជាប់ ។ បាឡុងទាំងនោះបង្ហោះចូលទៅលើលំហអាកាសពីកោះភាគខាងត្បូងប្រទេសនូវែលសេឡង់នៅក្នុងខែមិថុនា ដែលជាការសាកល្បងប្រព័ន្ធត្រួសត្រាយផ្លូវមួយដែលគេឱ្យឈ្មោះថា Project Loon ។
ក្រុមហ៊ុនអីុនធើរណេតយក្សGoogle កំពុងសាកល្បងបង្ហោះបាឡុងដែលប្រើបច្ចេកវិទ្យាខ្ពស់ចំនួន៣០បាឡុងដើម្បីផ្ដល់ប្រព័ន្ធអីុនធើរណេតដល់ទីកន្លែងដែលប្រជាជនជាច្រើនមិនទាន់បានភ្ជាប់ ។ បាឡុងទាំងនោះបង្ហោះចូលទៅលើលំហអាកាសពីកោះភាគខាងត្បូងប្រទេសនូវែលសេឡង់នៅក្នុងខែមិថុនា ដែលជាការសាកល្បងប្រព័ន្ធត្រួសត្រាយផ្លូវមួយដែលគេឱ្យឈ្មោះថា Project Loon ។
យោងតាមGoogle បានឱ្យដឹងថា Project Loon គឺជាបណ្ដាញបាឡុងដែលធ្វើដំណើរនៅក្នុងលំហអាកាសដែលត្រូវបានច្នៃបង្កើតឡើងដើម្បីភ្ជាប់ការទាក់ទងជាមួយប្រជាជននៅតាមទីជនបទដាច់ស្រយាល និងផ្ដល់ជូនប្រជាជននូវប្រព័ន្ធអីុនធើរណេតវិញ ក្រោយពីគ្រោះមហន្ដរាយ ។
Google និយាយថា ២/៣នៃប្រជាជនលើពិភពលោកមិនមានអីុនធើរណេតលឿន និងតម្លៃសមរម្យប្រើ ហេតុដូច្នេះវាហាក់ដូចជាអ្វីមួយដែលកើតចេញពីវិស័យប្រឌិតបែបវិទ្យាសាស្រ្ដ ។ ប្រសិនជោគជ័យមែន គម្រោងនេះនឹងបង្កើតភាពខុសប្លែកគ្នាដល់ប្រជាជនជាច្រើនជុំវិញពិភពលោក ។
យោងតាមប្រព័ន្ធផ្សព្វផ្សាយក្នុងស្រុកបានរាយការណ៍ថា នាយករដ្ឋមន្ដ្រីនូវែលសេឡង់លោក ចន ឃី កំពុងស្ថិតនៅទីក្រុងគ្រីសឈើដើម្បីជួយដំណើរការគម្រោងនេះ ។ ពលរដ្ឋជាច្រើននៅក្នុងទីក្រុងនេះត្រូវបានអញ្ជើញឱ្យចូលរួមព្រឹត្ដិការណ៍ដ៏អស្ចារ្យនេះនៅសារមន្ទីរកងទ័ពអាកាស ។
Google និយាយថា បាឡុងហោះនេះហោះក្នុងរយៈកម្ពស់១៨.៣០០ម៉ែត្រពីដី ពោលគឺខ្ពស់ជាងយន្ដហោះ និងអាកាសធាតុដល់ទៅ២ដង ។ រយៈកម្ពស់បែបនេះនឹងត្រូវបានគ្រប់គ្រងដោយកម្មវិធីLoon Mission Control ដោយប្រើប្រាស់Software ពិសេសដើម្បីធ្វើឱ្យបាឡុងនោះចាប់បានស្រទាប់ខ្យល់ដែលធ្វើដំណើរក្នុងទិសដៅត្រូវ និងបង្កើតបានជាបណ្ដាញបាឡុង ៕
ចែករំលែកព័តមាននេះ