ខេត្តកំពត ៖ គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៣និង៥៥នាទីរសៀលថ្ងៃទី១៨ មិថុនា លើកំណាត់ផ្លូវជាតិលេខ៣ កំពត-ព្រះសីហនុ ត្រង់ចំណុចផ្លូវបំបែកឡើងភ្នំបូកគោ ស្ថិតក្នុងភូមិកែបថ្មី ឃុំបឹងទូក ស្រុកទឹកឈូ ដោយម៉ូតូឌ្រីមសេ១២៥ ស៊េរី២០១៣ គ្មានស្លាកលេខ និងរថយន្តកូរ៉េ ចំណុះមួយតោនកន្លះដឹកទឹកកកបុកគ្នា បណ្តាលឱ្យអ្នកជិះម៉ូតូពីក្រោយស្លាប់
ខេត្តកំពត ៖ គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៣និង៥៥នាទីរសៀលថ្ងៃទី១៨ មិថុនា លើកំណាត់ផ្លូវជាតិលេខ៣ កំពត-ព្រះសីហនុ ត្រង់ចំណុចផ្លូវបំបែកឡើងភ្នំបូកគោ ស្ថិតក្នុងភូមិកែបថ្មី ឃុំបឹងទូក ស្រុកទឹកឈូ ដោយម៉ូតូឌ្រីមសេ១២៥ ស៊េរី២០១៣ គ្មានស្លាកលេខ និងរថយន្តកូរ៉េ ចំណុះមួយតោនកន្លះដឹកទឹកកកបុកគ្នា បណ្តាលឱ្យអ្នកជិះម៉ូតូពីក្រោយស្លាប់ភ្លាមៗនៅនឹងកន្លែងកើតហេតុ និងអ្នកបើកម៉ូតូរងរបួសស្រាល ចំណែកអ្នកបើករថយន្តក្រោយពីកើតហេតុបានរត់គេចខ្លួនបាត់។
សាក្សីនិយាយថា មុនពេលកើតហេតុម៉ូតូជិះគ្នា២នាក់ធ្វើដំណើរចុះតាមផ្លូវបូកគោក ។ លុះមកដល់ផ្លូវបំបែកបានឆ្លងផ្លូវជិតផុតទៅហើយ ស្រាប់តែរថយន្តកូរ៉េដឹកទឹកកកបើកមកពីកើតទៅលិចលើផ្លូវជាតិលេខ៣ កំពត-ព្រះសីហនុ ជ្រុលបុកម៉ូតូពេញទំហឹងបណ្តាលឱ្យអ្នកជិះម៉ូតូពីក្រោយស្លាប់ភ្លាមៗ ឯអ្នកបើកម៉ូតូរងរបួសស្រាល ចំណែកអ្នកបើកបររថយន្តបានចុះរត់គេចខ្លួនបាត់ ។
សមត្ថកិច្ចចរាចរឱ្យដឹងថា ជនរងគ្រោះក្នុងហេតុការណ៍ខាងលើឈ្មោះ នួន ចាន់បូរិន អាយុ១៦ឆ្នាំ ជាសិស្សបានស្លាប់ ត្រូវប្រគល់ឱ្យក្រុមគ្រួសារយកទៅធ្វើបុណ្យ រីឯមិត្តម្នាក់ទៀតឈ្មោះ ប៉ាក់ ហេង អាយុ១៥ឆ្នាំ ជាសិស្សរងរបួសស្រាល ត្រូវបញ្ជូនទៅសង្គ្រោះនៅមន្ទីរពេទ្យកំពត ។ ជនរងគ្រោះទាំងពីរមានលំនៅក្នុងសង្កាត់កំពង់បាយ ក្រុងកំពត ។ យានយន្តទាំង២គ្រឿងត្រូវសមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ត ដើម្បីដោះស្រាយតាមច្បាប់នៅពេលក្រោយ ៕
ចែករំលែកព័តមាននេះ