ខេត្តកំពង់ស្ពឺ ៖ រថយន្តកូរ៉ូឡាពណ៌សមួយគ្រឿង ត្រូវបានគេប្រទះឃើញធ្លាក់ចូលក្នុងប្រឡាយមិនមានម្ចាស់ កាលពីវេលាម៉ោង៧ព្រឹកថ្ងៃទី១៩ មិថុនា ២០១៣ ស្ថិតនៅក្បែរគល់ស្ពានអូក្រាំងអំបិលតាមបណ្តោយផ្លូវជាតិលេខ៤ ក្នុងភូមិស្លា ឃុំវល្លស ស្រុកសំរោងទង ខេត្តកំពង់ស្ពឺ ត្រូវបានបែកកញ្ចក់មុខ និងបែកកង់ខាងក្រោយ រួចធ្លាក់ចូលប្រឡាយតែម្តង ។
ខេត្តកំពង់ស្ពឺ ៖ រថយន្តកូរ៉ូឡាពណ៌សមួយគ្រឿង ត្រូវបានគេប្រទះឃើញធ្លាក់ចូលក្នុងប្រឡាយមិនមានម្ចាស់ កាលពីវេលាម៉ោង៧ព្រឹកថ្ងៃទី១៩ មិថុនា ២០១៣ ស្ថិតនៅក្បែរគល់ស្ពានអូក្រាំងអំបិលតាមបណ្តោយផ្លូវជាតិលេខ៤ ក្នុងភូមិស្លា ឃុំវល្លស ស្រុកសំរោងទង ខេត្តកំពង់ស្ពឺ ត្រូវបានបែកកញ្ចក់មុខ និងបែកកង់ខាងក្រោយ រួចធ្លាក់ចូលប្រឡាយតែម្តង ។
លោកអនុសេនីយ៍ឯកវិន ឡេង ហួង មេបញ្ជាការកងរាជអាវុធហត្ថស្រុកសំរោងទងបានឱ្យដឹងថា ករណីរថយន្តធ្លាក់នេះកើតឡើងតាំងពីម៉ោង៣ទៀបភ្លឺថ្ងៃទី១៩ មិថុនា ក្រោយកើតហេតុសមត្ថកិច្ចរបស់លោកបានចេញទៅជួយអន្តរាគមន៍ដែរ តែម្ចាស់រថយន្ត និងអ្នកជិះនៅខាងក្នុងមានអាការៈស្រវឹងដាបនិយាយលែងដឹងខុសត្រូវទៅហើយ ។
លោកមេបញ្ជាការបន្តថា មួយសន្ទុះក្រោយមកអ្នកដែលជិះក្នុងរថយន្តមានគ្នា៤នាក់ បានទូរស័ព្ទហៅគ្នាគេយករថយន្តស៊ីអវីពណ៌ទឹកប្រាក់មកទទួលពួកគេទៅបាត់អស់តែម្តង ដោយទុករថយន្តចោលនៅទីនេះ ដូច្នេះលោកក៏បានរាយការណ៍ឱ្យជំនាញនគរបាលចរាចរស្រុកសំរោងទងមកចាត់ចែងបន្ត ។ បើតាមប្រភពបានឱ្យដឹងថា រថយន្តនេះទើបតែចេញពីក្លឹបរាំឌីស្កូនៅខេត្តកំពង់ស្ពឺ បម្រុងធ្វើដំណើរចូលក្រុងភ្នំពេញវិញ ។
ចែករំលែកព័តមាននេះ