ស្រី​ស្រស់​រកស៊ី​ផ្លូវភេទ​២​នាក់​លេង​មួយ​ក្បាច់​ញាក់សាច់ដាក់យុវជន២នាក់


រាជធានី​ភ្នំពេញ ៖ យុវជន​២​នាក់​ស្រវឹងស្រា​គិត​ថា​ចង់​សប្បាយ ក៏​ទៅ​នាំ​នារី​រកស៊ី​ផ្លូវភេទ​នៅ​វត្ត​ភ្នំ​ទៅ​រួមរ័ក​ជាមួយ តែ​មិន​ទាន់​នឹង​បាន​ធ្វើ​ស្អី​ផង​ក៏​ត្រូវ​ស្រី​ស្រស់​នោះ​លួច​យក​ទូរស័ព្ទ​ដៃ​ម៉ាក​iPhone 6 បាត់ មួយ​សន្ទុះ​ក្រោយមក​ក៏​ត្រូវ​សមត្ថកិច្ច​ឃាត់ខ្លួន​យក​ទៅ​ប៉ុស្តិ៍​ដើម្បី​សួរនាំ កើតឡើង​កាលពី​ម៉ោង​១២​និង​១៥​នាទី​​រំលង​អធ្រាត្រ​ឈាន​ចូល​ថ្ងៃ​ទី​២៧ ខែវិច្ឆិកា ឆ្នាំ​២០១៨ តាម​បណ្តោយ​ផ្លូវ​ទំនប់​៧០ នៅ​ចំណុច​រ៉ា​រទេះភ្លើង ស្ថិត​នៅ​ក្នុង​សង្កាត់​ទួល​សង្កែ​ទី​១ ខណ្ឌ​ឬ​ស្សី​កែវ ។

ជនសង្ស័យ​ទី​១-​ឈ្មោះ ចាន់ សំអែល ភេទ​ស្រី អាយុ​២០​ឆ្នាំ ស្នាក់​នៅ​ផ្លូវ​រ៉ា​រទេះភ្លើង ស្ថិត​នៅ​ក្នុង​សង្កាត់​ទួល​សង្កែ​ទី​១ ខណ្ឌ​ឬ​ស្សី​កែវ ទី​២-​ឈ្មោះ ហាន សីហា ភេទ​ប្រុស អាយុ​២៨​ឆ្នាំ ស្នាក់​នៅផ្ទះ​ជួល​ផ្លូវ​រថភ្លើង ភូមិ​ចុង​ខ្សាច់ សង្កាត់​ទួល​សង្កែ​១ ខណ្ឌ​ឬ​ស្សី​កែវ និង​ទី​៣​មានឈ្មោះ​ជា សំអាត ភេទ​ស្រី អាយុ​២៧​ឆ្នាំ ស្នាក់​នៅ​សង្កាត់​អូរ​ឬ​ស្សី​៤ ខណ្ឌ​៧​មក​រា ។

តាម​ប្រភព​ពី​ជន​រង​គ្រោះ​សុំ​មិន​បញ្ចេញ​ឈ្មោះ​បានឱ្យ​ដឹង​ថា មុន​ពេល​កើតហេតុ ខ្លួន​ពីរ​នាក់​មិត្តភក្តិ​បាន​ផឹកស៊ី​ស្រវឹងស្រា ហើយ​គិត​ថា​ចង់ទៅ​សប្បាយ​ក៏​បាន​បបួល​គ្នា​ទៅ​រក​ស្រី​នៅ​វត្ត​ភ្នំ​រួមរ័ក​ជាមួយ ខណៈ​ពេល​ដែល​ជិះ​ទៅ​ដល់​វត្ត​ភ្នំ​ក៏​នាំ​នារី​ផ្លូវភេទ​២​នាក់​ទៅ​ជាមួយ ម្នាក់​ៗ​ក្នុង​តម្លៃ​៥​ម៉ឺន​រៀល យក​ទៅ​ដេក​នៅផ្ទះ​សំណាក់​ម្តុំ​បឹង​កក់ ក្បែរ​នឹង​វិហារ​ចាម ។

ជន​រង​គ្រោះ​បន្ត​ថា ខណៈ​ពេល​ដែល​ជួល​បន្ទប់​បំរុង​នឹង​ចាប់ផ្តើម​ប្រតិបត្តិការ​ហើយ ប៉ុន្តែ​នារី​ស្ត្រី​រកស៊ី​ផ្លូវ​ភេទ​២​នាក់​នោះ​បាន​អូស​ក្រឡា​ធ្វើ​ជា​ខ្ចី​ទូរស័ព្ទ​ដៃ​របស់​ជន​រង​គ្រោះ​ម៉ាក iPhone 6 យក​មក​ចុច​លេង​។ ភ្លាម​ៗ​នោះ​ដែល​ជន​រង​គ្រោះ គាត់​ក៏​ភ្លេចខ្លួន​មួយ​ភ្លេ​ត​ត្រូវ​នារី​ទាំង​២​នាក់​នោះ​យក​ទូរស័ព្ទ​ដៃ ហើយ​រត់​ចេញ​​ទៅ​បាត់ ដោយ​មាន​បក្សពួក​ម្នាក់​ទៀត​ធ្វើ​ជា​អ្នក​ដូច​រត់​ម៉ូតូឌុប​ដឹក​ចេញ​ទៅ​បាត់ ។ ជន​រង​គ្រោះ​ក៏​ជិះ​ម៉ូតូ​ដេញ​តាម​រក​ពួក​គេ​ទាំង​៣​ទៅ​ដល់​ចំណុច​ផ្លូវ​ទំនប់​70 កែង​ផ្លូវ​រ៉ារ​ទះ​ភ្លើង ឃើញ​ជនសង្ស័យ​កំពុង​តែ​ឈរ​​នៅ​លើ​ផ្លូវ ក៏​ទៅ​ប្តឹង​សមត្ថកិច្ច​ប៉ុស្តិ៍​ទួល​សង្កែ​ទី​១ ឱ្យ​ឃាត់ខ្លួន​យក​ទៅ​ប៉ុស្តិ៍​ដើម្បី​សួរនាំ ។

ពេល​ដែល​សមត្ថកិច្ច​ឃាត់ខ្លួន​យក​ទៅ​ដល់​ប៉ុស្តិ៍​សួរនាំ​ជនសង្ស័យ​បាន​និយាយ​ថា ខ្លួន​ពិតជា​បាន​យក​មែន ប៉ុន្តែ​យក​ទៅ​បញ្ចាំ​ឱ្យ​គេ​ចំនួន​15​ម៉ឺន​រៀល​បាត់​ហើយ​។ ក្រោយ​ពេល​កើតហេតុ​ជនសង្ស័យ​ទាំង​៣​ខាង​លើ​នេះ ត្រូវ​បាន​សមត្ថកិច្ច​កសាង​សំណុំរឿង​ប​ញ្ជួ​ន​ទៅ​កាន់​តុលាការ​ដើម្បី​ចាត់ការ​ទៅ​តាម​និ​តិ​វិធី ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ