រាជធានីភ្នំពេញ៖ យុវជនម្នាក់បានស្លា.ប់ភ្លាមៗ និង៣នាក់ទៀតរងរបួសធ្ងន់ស្រាលត្រូវបញ្ជូនទៅមន្ទីរពេទ្យដើម្បីសង្គ្រោះបន្ទាន់ ខណៈពួកគេជិះម៉ូតូពីរគ្រឿងក្នុងទិសដៅបញ្រ្ចាសគ្នា ហើយពេលទៅដល់ចំណុចកើតហេតុម៉ូតូមួយគ្រឿង បើកឆ្លងផ្លូវមិនមើលមុខក្រោយ ក៏បណ្តាលឲ្យបុកគ្នាពេញទំហឹងតែម្តង ។
រាជធានីភ្នំពេញ៖ យុវជនម្នាក់បានស្លាប់ភ្លាមៗ និង៣នាក់ទៀតរងរបួសធ្ងន់ស្រាលត្រូវបញ្ជូនទៅមន្ទីរពេទ្យដើម្បីសង្គ្រោះបន្ទាន់ ខណៈពួកគេជិះម៉ូតូពីរគ្រឿងក្នុងទិសដៅបញ្រ្ចាសគ្នា ហើយពេលទៅដល់ចំណុចកើតហេតុម៉ូតូមួយគ្រឿង បើកឆ្លងផ្លូវមិនមើលមុខក្រោយ ក៏បណ្តាលឲ្យបុកគ្នាពេញទំហឹងតែម្តង ។
ឧបទ្ទវហេតុគ្រោះថ្នាក់ចរាចរណ៍នោះបានកើតឡើងកាលពីវេលាម៉ោង៩និង៥នាទីយប់ ថ្ងៃទី១៨ មិថុនា លើកំណាត់ផ្លូវជាតិលេខ៣ ត្រង់ចំណុចភូមិក្រាំងដូនទៃ សង្កាត់ចោមចៅ ខណ្ឌពោធិ៍សែនជ័យ ។ ម៉ូតូទាំងពីរគ្រឿងម៉ាកគុបជ្រុង ពណ៌សំបកឪឡឹក ពាក់ស្លាកលេខភ្នំពេញ 1L-5661បើកបរដោយយុវជនឈ្មោះ ប្រុស ហៅ តឿ អាយុ២៥ឆ្នាំ មុខរបរជាងភ្លើង មានស្រុកកំណើតភូមិដូនយ៉យ ឃុំដូនយ៉យ ស្រុកដងទង់ ខេត្តកំពត ។ យុវជនរូបនេះបានស្លាប់បាត់បង់ជីវិតភ្លាមៗ ចំណែកម៉ូតូមួយគ្រឿងទៀតម៉ាកហុងដាឌ្រីមសេ១១០ ពណ៌ទឹកប៊ិក ពាក់ស្លាកលេខភ្នំពេញ 1B-4684 ជិះគ្នា៣នាក់ ហើយអ្នកបើកបរមិនស្គាល់ឈ្មោះ បានរងរបួសធ្ងន់ និង២នាក់ទៀតជិះពីក្រោយរងរបួសធ្ងន់ស្រាល ។
តាមប្រពភព័ត៌មានបានឲ្យដឹងថា មុនពេលកើតហេតុ ម៉ូតូទាំង២គ្រឿងបានបើកក្នុងទិសដៅបញ្ច្រាសគ្នា ដោយម៉ូតូម៉ាកគុបជ្រុងបើកពីជើងទៅត្បូង ចំណែកម៉ូតូម៉ាកហុងដាឌ្រីមសេ១១០ បើកពីត្បូងទៅជើង ។ លុះទៅដល់ចំណុចកើតហេតុ ម៉ូតូគុបជ្រុងបានបត់ឆ្លងផ្លូវទៅខាងឆ្វេងដៃមិនមើលមុខក្រោយ ក៏ជ្រុលបុកម៉ូតូម៉ាកហុងដាឌ្រីមសេ១១០ពេញទំហឹងលាន់សូរដូចរន្ទះ បណ្តាលឲ្យអ្នកជិះម៉ូតូគុបស្លាប់ភ្លាមៗនៅនឹងកន្លែង ចំណែកអ្នកជិះម៉ូតូហុងដាឌ្រីមសេ១១០ទាំង៣នាក់រងរបួសធ្ងន់ធ្ងរ និងស្រាលត្រូវបញ្ចូនទៅមន្ទីរពេទ្យ ។
ក្រោយកើតហេតុសមត្ថកិច្ចចរាចរខណ្ឌពោធិ៍សែនជ័យបានចុះទៅកន្លែងកើតហេតុធ្វើការវាស់វែង រួចយកម៉ូតូទាំង២គ្រឿងទៅរក្សាទុករង់ចាំដោះស្រាយនៅពេលក្រោយ ៕
ចែករំលែកព័តមាននេះ