ក្រសួងសភាពការណ៍បន្ទាន់រុស្ស៊ីរាយការណ៍កាលពីថ្ងៃទី១៨ មិថុនាថា មនុស្សប្រមាណជា៦.០០០នាក់ត្រូវបានជម្លៀសចេញក្រោយការផ្ទុះឆេះក្នុងឃ្លាំងគ្រាប់រំសេវមួយនៅតំបន់សាម៉ារ៉ា ប្រទេសរុស្ស៊ី ។អ្នកនាំពាក្យម្នាក់របស់ក្រសួងនេះថ្លែងទៅកាន់ក្រុមអ្នកកាសែតថា ការផ្ទុះដំបូងកើតមាននៅលើទីលានហ្វឹកហ្វឺនយោធានៅ TCHAPAIEVSK នាវេលាម៉ោង១៩និង៣០នាទី ម៉ោងនៅក្រុង
ក្រសួងសភាពការណ៍បន្ទាន់រុស្ស៊ីរាយការណ៍កាលពីថ្ងៃទី១៨ មិថុនាថា មនុស្សប្រមាណជា៦.០០០នាក់ត្រូវបានជម្លៀសចេញក្រោយការផ្ទុះឆេះក្នុងឃ្លាំងគ្រាប់រំសេវមួយនៅតំបន់សាម៉ារ៉ា ប្រទេសរុស្ស៊ី ។អ្នកនាំពាក្យម្នាក់របស់ក្រសួងនេះថ្លែងទៅកាន់ក្រុមអ្នកកាសែតថា ការផ្ទុះដំបូងកើតមាននៅលើទីលានហ្វឹកហ្វឺនយោធានៅ TCHAPAIEVSK នាវេលាម៉ោង១៩និង៣០នាទី ម៉ោងនៅក្រុងមូស្គូ ។ ការផ្ទុះគ្រាប់ផ្លោងឯទៀតៗកើតមានបន្ទាប់ពីនេះ ។
ទូរទស្សន៍ដែលផ្សាយបន្តផ្ទាល់បង្ហាញពីការផ្ទុះឃ្លាំងគ្រាប់នេះ ដែលស្នូរផ្ទុះបានបន្ត ។ មនុស្សប្រមាណជា២២នាក់ត្រូវរបួសក្នុងការផ្ទុះទាំងនេះ ដោយក្នុងនោះ៥នាក់ត្រូវបញ្ជូនទៅមន្ទីរពេទ្យ ។ ការផ្ទុះគ្រាប់ធ្វើឱ្យបែកកញ្ចក់អគារជិតខាង ។ យោងតាមព័ត៌មានដែលទទួលបានរហូតមកទល់ពេលនេះថា គ្រាប់ផ្លោងដល់ទៅ១៣លានគ្រាប់ស្តុកទុកក្នុងឃ្លាំងនេះ ។ ទីតាំងឃ្លាំងគ្រាប់នេះត្រូវហ៊ុមព័ទ្ធ ហើយផ្លូវថ្នល់ទាំងឡាយកាត់ទីនោះត្រូវរាំងខ្ទប់៕
ចែករំលែកព័តមាននេះ