ប្រធានាធិបតីអាហ្វហ្គានីស្ថានលោកហាមីដកាហ្សៃប្រកាសថា កងកម្លាំងអាហ្វហ្គានីស្ថានចាប់ពីថ្ងៃទី១៨ មិថុនាទៅ ជាអ្នកត្រួតត្រាគ្រប់គ្រងសន្តិសុខក្នុងទូទាំងប្រទេសជំនួសកងកម្លាំងអូតង់ដែលគ្រប់គ្រងសន្តិសុខប្រទេសនេះចាប់តាំងពីការផ្តួលរំលំពួកតាលីបង់ពីដំណាច់ឆ្នាំ២០០១មក ។
ប្រធានាធិបតីអាហ្វហ្គានីស្ថានលោកហាមីដកាហ្សៃប្រកាសថា កងកម្លាំងអាហ្វហ្គានីស្ថានចាប់ពីថ្ងៃទី១៨ មិថុនាទៅ ជាអ្នកត្រួតត្រាគ្រប់គ្រងសន្តិសុខក្នុងទូទាំងប្រទេសជំនួសកងកម្លាំងអូតង់ដែលគ្រប់គ្រងសន្តិសុខប្រទេសនេះចាប់តាំងពីការផ្តួលរំលំពួកតាលីបង់ពីដំណាច់ឆ្នាំ២០០១មក ។
មុនការផ្ទេរនេះបន្តិច ជនអត្តឃាតម្នាក់បានធ្វើឱ្យផ្ទុះនៅជិតផ្ទះរបស់អនុប្រធានាធិបតីទី២របស់អាហ្វហ្គានីស្ថាន លោកម៉ូហាម៉េដ ម៉ូហា គិក នៅក្រុងកាប៊ុល បណ្តាលឱ្យស្លាប់ជនស៊ីវិលយ៉ាងតិច៣នាក់ ហើយមនុស្ស២៤នាក់ទៀតត្រូវរបួស ។ក្នុងសុន្ទរកថាមួយថ្លែងនាឱកាសផ្ទេរការគ្រប់គ្រងនេះ លោកប្រធានាធិបតីកាហ្សៃមានប្រសាសន៍ថា ចាប់តាំងពីពេលនេះទៅកងទ័ពរបស់យើង នឹងជាអ្នកទទួលខុសត្រូវលើកិច្ចការ ពារសន្តិសុខរបស់ប្រទេស ហើយនឹងធ្វើប្រតិបត្តិការនានា ។
តាមទ្រឹស្តីកងកម្លាំងអូតង់នៅអាហ្វហ្គានីស្ថាន នឹងគ្រាន់តែដើរតួនាទីជាអ្នកជួយទ្រទ្រង់ជាពិសេសតាមអាកាសក្នុងករណីមានការវាយប្រហារខ្លាំងក្លា និងជួយបណ្តុះបណ្តាលសមាជិកកងកម្លាំងសន្តិសុខអាហ្វហ្គានីស្ថានប្រមាណជា៣៥០.០០០នាក់ ៕
ចែករំលែកព័តមាននេះ