ខេត្តកំពង់ធំ ៖ វេលាម៉ោង១និង៣៥នាទីរសៀល ថ្ងៃទី១៨ មិថុនា នៅលើកំណាត់ផ្លូវជាតិលេខ៦ចំណុចភូមិសំព័រ ឃុំចំណារក្រោមស្រុកស្ទោង មានឧប្បត្តិហេតុគ្រោះថ្នាក់ចរាចរណ៍ក្លាយជាមហាសោកនាដកម្មដ៏រន្ធត់មួយ បានកើតឡើងដោយរថយន្ត២គ្រឿងបានពន្លះគ្នាពេញទំហឹងលាន់ឮដូចរន្ទះ បណ្តាលឱ្យមានមនុស្ស៤នាក់ស្លាប់ភ្លាមៗ និង៧នាក់រងរបួសធ្ងន់និងស្រាល ។
ខេត្តកំពង់ធំ ៖ វេលាម៉ោង១និង៣៥នាទីរសៀល ថ្ងៃទី១៨ មិថុនា នៅលើកំណាត់ផ្លូវជាតិលេខ៦ចំណុចភូមិសំព័រ ឃុំចំណារក្រោមស្រុកស្ទោង មានឧប្បត្តិហេតុគ្រោះថ្នាក់ចរាចរណ៍ក្លាយជាមហាសោកនាដកម្មដ៏រន្ធត់មួយ បានកើតឡើងដោយរថយន្ត២គ្រឿងបានពន្លះគ្នាពេញទំហឹងលាន់ឮដូចរន្ទះ បណ្តាលឱ្យមានមនុស្ស៤នាក់ស្លាប់ភ្លាមៗ និង៧នាក់រងរបួសធ្ងន់និងស្រាល ។
ព័ត៌មានបឋមពីមន្ត្រីសមត្ថកិច្ចនគរបាលស្រុកស្ទោងបានឱ្យដឹងថា រថយន្តធុនធំដឹកអ្នកដំណើររបស់ក្រុមហ៊ុនអូឡាំពិកអិុចប្រេស្ត បានបុកគ្នាពេញទំហឹងចំពីមុខជាមួយរថយន្តមា៉ក ស៊ីអវី ដែលធ្វើដំណើរបញ្ច្រាសទិសគ្នា ។ ហេតុការណ៍នេះបណ្តាលឱ្យរថយន្តស៊ីអវី ត្រូវបែកបាក់ខ្ទេចខ្ទីមើលសឹងមិនស្គាល់ថាជារថយន្ត និងមនុស្ស៣នាក់ និង៣នាក់ទៀតរបួសត្រូវបានដឹកទៅសង្គ្រោះនៅខេត្តសៀមរាប ។ ក្នុងរថយន្តស៊ីអវីជិះគ្នា៦នាក់ជាគ្រួសារជនជាតិកូរ៉េ ត្រូវស្លាប់កៀបជាប់យ៉ាងអាណោចអាធមបំផុត ។
ចំណែករថយន្តដឹកអ្នកដំណើរធុនធំក៏ខូចខាតយា៉ងដំណំ ផ្នែកខាងមុខដែរ បណ្តាលឱ្យមនុស្សម្នាក់ស្លាប់ជាអ្នកបើកបររថយន្ត និងរបួស៤នាក់ផ្សេងទៀតជាជនជាតិចិនតៃវា៉ន់ ។ ប្រភពពីមន្ត្រីនគរបាលបានឱ្យដឹងថា ហេតុការណ៍នេះគឺកើតឡើងដោយសារតែរថយន្តក្រុង ដែលធ្វើដំណើរឆ្ពោះទៅខេត្តសៀមរាបបើកលឿនហួសហេតុ និងបានវា៉រថយន្តមួយគ្រឿងទៀតដែលនៅពីមុខ ទើបជ្រុលមកបុកគ្នាពេញទំហឹងជាមួយរថយន្តស៊ីអវី ដែលមកពីមុខបញ្ច្រាសទិសគ្នា រកគេចចេញមិនទាន់ ប្រៀបដូចវា៉ផុតទៅបុករថយន្តមកពីមុខដែលជាការធ្វេសប្រហែសដ៏អាក្រក់មួយរបស់អ្នកបើកបររថយន្តធុនធំ ។ គេនៅមិនទាន់ដឹងភ្លាមៗទេ ពីអត្តសញ្ញាណអ្នកស្លាប់និងរបួស ៕
ចែករំលែកព័តមាននេះ