បាតុភូតដំណើរព្រះចន្ទខិតជិតមកភពផែនដីតែងតែកើតមានឡើងរៀងរាល់១៤ខែម្តង ហើយចុងក្រោយនេះ គឺនៅថ្ងៃអាទិត្យទី២៣ មិថុនា ពោលគឺចំថ្ងៃពេញបូណ៌មីតែម្តង ។ បាតុភូតនេះព្រះចន្ទមានពន្លឺភ្លឺថ្លា ពេញវង់ និងធំជាងសព្វមួយដង ។ នេះបើយោងតាមការចេញផ្សាយរបស់សារព័ត៌មាន Cnet ។
បាតុភូតដំណើរព្រះចន្ទខិតជិតមកភពផែនដីតែងតែកើតមានឡើងរៀងរាល់១៤ខែម្តង ហើយចុងក្រោយនេះ គឺនៅថ្ងៃអាទិត្យទី២៣ មិថុនា ពោលគឺចំថ្ងៃពេញបូណ៌មីតែម្តង ។ បាតុភូតនេះព្រះចន្ទមានពន្លឺភ្លឺថ្លា ពេញវង់ និងធំជាងសព្វមួយដង ។ នេះបើយោងតាមការចេញផ្សាយរបស់សារព័ត៌មាន Cnet ។
នៅថ្ងៃនោះព្រះចន្ទរះឡើងមានពន្លឺភ្លឺថ្លាធំជាងធម្មតា និងរំកិលខ្លួនខិតជិតភពផែនដីយើងជាងបណ្តាឆ្នាំណាៗទាំងអស់ ។ ការរំកិលខ្លួនខិតមកជិតផែនដីនេះគឺមានចម្ងាយជាង៣៥ម៉ឺនគីឡូម៉ែត្រពីភពផែនដី ។
អំឡុងពេលបាតុភូតព្រះចន្ទខិតជិតផែនដីនេះព្រះអាទិត្យ ផែនដី និងព្រះចន្ទ ស្ថិតនៅលើអ័ក្សត្រួតស៊ីគ្នា ដោយផែនដីស្ថិតនៅចន្លោះកណ្តាល ។ កម្លាំងទំនាញព្រះចន្ទបានគ្របសង្កត់មកលើផែនដី ហើយព្រះអាទិត្យបង្កឱ្យទឹកសមុទ្រជោរ និងនាច ។
អ្នកវិទ្យាសាស្ត្រអង្គការ NASA មិនបានរកឃើញពីសហសម្ព័ន្ធផ្ទាល់ណាមួយរវាងគ្រោះមហន្តរាយធម្មជាតិមកលើផែនដី និងការខិតជិតរបស់ព្រះចន្ទនោះទេ ។
NASA ឱ្យដឹងថា កម្ពស់ទឹកជោរអំឡុងបាតុភូតនេះគឺគ្រាន់តែជាការប្រែប្រួលនីវ៉ូ ទឹកសមុទ្របន្តិចបន្តួចជាងពេលធម្មតាប៉ុណ្ណោះ ។ព្រះចន្ទពេញវង់ធំជាងធម្មតានេះ គឺដោយសារតែខិតមកជិតផែនដី ។ បើយោងតាមសារព័ត៌មានវិទ្យាសាស្ត្រ Earth Sky ឱ្យដឹងថា ព្រះចន្ទពេញបូណ៌មី និងខិតជិតផែនដីម្តងទៀតនៅខែសីហាឆ្នាំ២០១៤ ៕
ចែករំលែកព័តមាននេះ