កាសែតថៃកាលពីថ្ងៃទី១៧ មិថុនា ផ្សាយថាកើតមានករណីធ្លាក់ឧទ្ធម្ភាគចក្រនៅបរិវេណរណ្តៅទឹកមួយកន្លែងនៅផ្នែកខាងក្រោយក្រុមហ៊ុនលក់គ្រឿងសំណង់ ស្ថិតនៅស្រុកបានណា ខេត្តណាខនណាយុក ។ ក្រោយពីទទួលបានដំណឹងភ្លាម កម្លាំងចម្រុះឆ្ពោះទៅចំណុចកើតហេតុបានប្រទះឃើញរណ្តៅទឹកទំហំ៥០ម៉ែត្រ បណ្តោយ២០០ម៉ែត្រ និងជម្រៅ១០ម៉ែត្រដោយមានទឹកដក់ ។
កាសែតថៃកាលពីថ្ងៃទី១៧ មិថុនា ផ្សាយថាកើតមានករណីធ្លាក់ឧទ្ធម្ភាគចក្រនៅបរិវេណរណ្តៅទឹកមួយកន្លែងនៅផ្នែកខាងក្រោយក្រុមហ៊ុនលក់គ្រឿងសំណង់ ស្ថិតនៅស្រុកបានណា ខេត្តណាខនណាយុក ។ ក្រោយពីទទួលបានដំណឹងភ្លាម កម្លាំងចម្រុះឆ្ពោះទៅចំណុចកើតហេតុបានប្រទះឃើញរណ្តៅទឹកទំហំ៥០ម៉ែត្រ បណ្តោយ២០០ម៉ែត្រ និងជម្រៅ១០ម៉ែត្រដោយមានទឹកដក់ ។
ក្នុងបរិវេណក្នុងរណ្តៅឃើញមានឧទ្ធម្ភាគចក្រធុនតូចមួយគ្រឿងបានបុកក្បាលនឹងដីក្នុងរណ្តៅ មានសភាពខូចខាតទាំងស្រុងដោយនៅក្បែរចំណុចធ្លាក់ឃើញមានបំណែករបស់ឧទ្ធម្ភាគចក្រធ្លាក់រប៉ាត់រប៉ាយ និងមានអ្នករងរបួស៥នាក់ ត្រូវបានបញ្ជូនទៅសង្គ្រោះបន្ទាន់នៅឯមន្ទីរពេទ្យ ។ តាមការសាកសួរទាហាន៣នាក់ដែលមិនរងរបួសបានឱ្យដឹងថា ក្នុងឧទ្ធម្ភាគចក្រខាងលើមានអ្នកជិះសរុប៨នាក់ បានបើកចេញពីខេត្តលុបបុរី ឆ្ពោះទៅស្រុកវា៉តថាណាណាកខន ខេត្តស្រះកែវ ។ លុះមកដល់ចំណុចកើតហេតុកង្ហារផ្នែកខាងក្រោយយន្តហោះមានសភាពរអាក់រអួលធ្វើឱ្យអាកាសយានិកប្រញាប់បិទប្រេង ព្រោះបារម្ភថា បើយន្តហោះធ្លាក់អាចផ្ទុះបាន ។
ក្រោយមកកង្ហារខាងក្រោយឈប់ដំណើរការ បង្កឱ្យឧទ្ធម្ភាគចក្រប៉េលប៉ាលនៅកណ្តាលវេហាស៍ ស្ថិតនៅពីលើដីប្រហែល៧០ម៉ែត្រ និងបានធ្លាក់ទៅក្នុងរណ្តៅខាងលើតែម្តង ៕
ចែករំលែកព័តមាននេះ