បណ្តាអំពើអាក្រក់ទាំងអស់រួមនៅត្រឹម១០យ៉ាងដែលលោកហៅថា អកុសលកម្មគឺ កាយកម្ម អំពើដែលសម្រេចដោយកាយមាន៣, វចីកម្ម អំពើដែលសម្រេចដោយវាចាមាន៤ និងមនោកម្ម អំពើដែលសម្រេចដោយចិត្ដមាន៣រួមត្រូវជា១០យ៉ាង ។ អំពើអាក្រក់ទាំង១០នេះមិនមែនកើតមានចំពោះតែគ្រហស្ថទេ…
បណ្តាអំពើអាក្រក់ទាំងអស់រួមនៅត្រឹម១០យ៉ាងដែលលោកហៅថា អកុសលកម្មគឺ កាយកម្ម អំពើដែលសម្រេចដោយកាយមាន៣, វចីកម្ម អំពើដែលសម្រេចដោយវាចាមាន៤ និងមនោកម្ម អំពើដែលសម្រេចដោយចិត្ដមាន៣រួមត្រូវជា១០យ៉ាង ។ អំពើអាក្រក់ទាំង១០នេះមិនមែនកើតមានចំពោះតែគ្រហស្ថទេ អ្នកបួសខ្លះក៏ប្រព្រឹត្តកន្លងដែរ ។
កាយកម្មមាន៣គឺៈ ១-បាណាតិបាតោ ករិយាសម្លាប់សត្វដោយខ្លួនឯងឬប្រើគេឲ្យសម្លាប់សត្វនោះៗ, ២ -អទិន្នាទានំ កិរិយាឆក់លួច ដណ្តើមទ្រព្យគេ ដោយខ្លួនឯង ឬប្រើឲ្យគេលួច ឆក់ ដណ្តើមទ្រព្យនោះ និង៣-កាមេសុ មិច្ឆាចារា កិរិយាប្រព្រឹត្តខុសក្នុងកាមទាំងឡាយទាំងស្ត្រីឬបុរសដែលមានគេហួងហែងរក្សាហើយ ។
វចីកម្ម៤គឺ ១-មុសាវាទោ កិរិយាពោលនូវពាក្យកុហក, ២-បិសុណាវាចា កិរិយាពោលនូវពាក្យញុះញង់ បំបែកបំបាក់អ្នកដទៃ, ៣-ផរុសវាចា កិរិយាពោលពាក្យទ្រគោះបោះបោក ជេរប្រទេចអ្នកដទៃ និង៤-សម្ផប្បលាបោ កិរិយាពោលនូវពាក្យរោយរាយឥតប្រយោជន៍។
មនោកម្ម៣គឺ ១-អភិជ្ឈា គំនិតសម្លឹងរំពៃចំពោះទ្រព្យរបស់អ្នកដទៃ គិតចង់បានជារបស់ខ្លួន, ២-ព្យាបាទោ ចិត្តចងគំនុំប៉ងនឹងឲ្យអ្នកដទៃដល់នូវសេចក្តីវិនាស សេចក្តីអន្តរាយ និង៣-មិច្ឆាទិដ្ឋិ ការយល់ខុស តែនៅប្រកាន់ថាជាត្រូវ ។
កម្មអាក្រក់ទាំង១០យ៉ាងនេះបើទោះជាមិនទាន់ឲ្យផល ឃើញច្បាស់ដល់អ្នកប្រព្រឹត្តក្នុងពេលបច្ចុប្បន្ននេះ ក៏គង់នឹងឱ្យផលទៅក្នុងបរលោកនាយដែរគឺខានពុំបានឡើយ ។
ចែករំលែកព័តមាននេះ