រាជធានីភ្នំពេញ ៖ បុរស២នាក់បានរងរបួសធ្ងន់-ស្រាលបែកក្បាលហូរឈាមកក្លាក់ ក្នុងហេតុការណ៍គ្រោះថ្នាក់ចរាចរណ៍មួយដែលបង្កឡើងដោយរថយន្តម៉ាកហ្វុ៊យហ្សូដឹកដីខ្សាច់ កាលពីវេលាម៉ោង៩ និង១០នាទីព្រឹកថ្ងៃទី១៨ មិថុនា ២០១៣ ស្ថិតនៅចំណុចផ្លូវភ្លោះភូមិស្ពានខ្ពស់ សង្កាត់គីឡូម៉ែត្រលេខ៦ ។ ជនរងគ្រោះទាំង២នាក់ ឈ្មោះលី សៀង អាយុ២០ឆ្នាំ និងឈ្មោះសុខ
រាជធានីភ្នំពេញ ៖ បុរស២នាក់បានរងរបួសធ្ងន់-ស្រាលបែកក្បាលហូរឈាមកក្លាក់ ក្នុងហេតុការណ៍គ្រោះថ្នាក់ចរាចរណ៍មួយដែលបង្កឡើងដោយរថយន្តម៉ាកហ្វុ៊យហ្សូដឹកដីខ្សាច់ កាលពីវេលាម៉ោង៩ និង១០នាទីព្រឹកថ្ងៃទី១៨ មិថុនា ២០១៣ ស្ថិតនៅចំណុចផ្លូវភ្លោះភូមិស្ពានខ្ពស់ សង្កាត់គីឡូម៉ែត្រលេខ៦ ។ ជនរងគ្រោះទាំង២នាក់ ឈ្មោះលី សៀង អាយុ២០ឆ្នាំ និងឈ្មោះសុខ រឿន អាយុ២៤ឆ្នាំ ទាំង២ជាអ្នកបើកបររ៉ឺម៉កដឹកទឹកក្រូច ស្នាក់នៅផ្ទះជួលជាមួយគ្នាក្នុងសង្កាត់ទួលសង្កែ ត្រូវបានគេបញ្ជូនទៅមន្ទីរពេទ្យដើម្បីសង្គ្រោះ ។
បើតាមប្រភពពីសាក្សីបានឱ្យដឹងថា មុនពេលកើតហេតុគេឃើញរថយន្តម៉ាកហ្វុ៊យហ្សូដឹកដីខ្សាច់ ពាក់ស្លាកលេខ៣C 0524 ជិះមកពីជើង រួចក៏បត់ឆ្វេងចូលដេប៉ូលក់ខ្សាច់ «ចាន់ណា» ខណៈនោះក៏មានម៉ូតូរ៉ឺម៉កដឹកទឹកក្រូចជិះមក ក្នុងទិសដៅបញ្ច្រាសគ្នា រួចក៏បុកយ៉ាងពេញទំហឹងតែម្តង ។ ម្ចាស់រថយន្តបានចុះដាក់មេប្រូចបាត់ សល់តែរថយន្តបង្កហេតុ ហើយត្រូវបានសមត្ថកិច្ចបញ្ជូនអធិការដ្ឋាន ដើម្បីរង់ចាំការដោះស្រាយតាមផ្លូវច្បាប់ ៕
ចែករំលែកព័តមាននេះ