ឆ្នាំនេះអាយុ១១ឆ្នាំ កុមារីព្រីស៊ីឡា ប៉ូមេរេន រស់នៅជាមួយឪពុកម្ដាយនៅទីក្រុងញូវយ៉កសហរដ្ឋអាមេរិក ។ តាមការរកឃើញរបស់វេជ្ជបណ្ឌិត កុមារីរូបនេះកើតជំងឺកន្ទួលដោយសារត្រជាក់ ជាជំងឺប្លែកបំផុត បើមិននៅក្នុងបន្ទប់ដែលមានសីតុណ្ហភាពពី៣០ទៅ៣២អង្សាសេទេ ស្បែកនាងរមាស់ឡើងកន្ទួលរាប់ម៉ោង គឺរមាស់ចាប់ពីក្បាលរហូតដល់ចុងជើង ជាមួយគ្នានោះចាប់ផ្ដើមក្អួតចង្អោរ និង
ឆ្នាំនេះអាយុ១១ឆ្នាំ កុមារីព្រីស៊ីឡា ប៉ូមេរេន រស់នៅជាមួយឪពុកម្ដាយនៅទីក្រុងញូវយ៉កសហរដ្ឋអាមេរិក ។ តាមការរកឃើញរបស់វេជ្ជបណ្ឌិត កុមារីរូបនេះកើតជំងឺកន្ទួលដោយសារត្រជាក់ ជាជំងឺប្លែកបំផុត បើមិននៅក្នុងបន្ទប់ដែលមានសីតុណ្ហភាពពី៣០ទៅ៣២អង្សាសេទេ ស្បែកនាងរមាស់ឡើងកន្ទួលរាប់ម៉ោង គឺរមាស់ចាប់ពីក្បាលរហូតដល់ចុងជើង ជាមួយគ្នានោះចាប់ផ្ដើមក្អួតចង្អោរ និងពិបាកដកដង្ហើមដូចកើតហឺត ។ ពេលជំងឺធ្វើទុក្ខម្ដងៗ បើមិនព្យាបាលទាន់ពេលអាចស្លាប់ ។ ពិសេសបើអ្នកជំងឺទាក់ទងជាមួយរបស់ត្រជាក់ ដូចជាញ៉ាំការ៉េមជាដើម ក៏អាចស្លាប់បានដូចគ្នា ។
ឪពុកម្ដាយនាងគឺលោក Criag និងអ្នកស្រីColleen ព្រួយបារម្ភវីវក់ចំពោះជីវិតកូនស្រី ពេលណាក៏ខិតខំមើលថែរាងកាយនាងឱ្យទទួលបានកម្ដៅល្មមសមស្របតាមកំណត់ជានិច្ច ។ វេជ្ជបណ្ឌិតប្រាប់ថា អ្នកកើតជំងឺ Cold u r t i e aria ដាច់ខាតមិនត្រូវនៅកន្លែងមានសីតុណ្ហភាពក្រោម២០អង្សាសេ ។ អ្នកស្រី Colleen ប្រាប់ថាកូនស្រីគាត់ ពេលអាយុ៧ឆ្នាំ ចាប់ផ្ដើមលេចឡើងអាការជំងឺចម្លែកនេះ ។ បន្ទាប់ពីដឹងការពិតហើយ ពួកគាត់មិនដែលហ៊ានប្រហែសសូម្បីមួយនាទីទេ ។
ព្រីស៊ីឡា ប៉ូមេរេន តាំងពីអាយុ៧ឆ្នាំ រហូតដល់សព្វថ្ងៃ វេជ្ជបណ្ឌិតឱ្យនាងផឹកថ្នាំអង់ទីប៊ីយ៉ូទិក Histamin មួយថ្ងៃ៣ដង និងដាក់ប៊ិកពិសេសជាប់ខ្លួន២៤ម៉ោងលើ២៤ម៉ោង គឺប៊ិកឈ្មោះ EPI មានផ្ទុកសារធាតុគីមីប្រឆាំងភាពរមាស់ ។ ក្រៅពីឱ្យនាងរស់ក្នុងបន្ទប់មានសីតុណ្ហភាពសមស្រប នៅត្រូវប្រយ័ត្នកុំឱ្យនាងបែកញើសទៀត ព្រោះវាអាចធ្វើឱ្យនាងរមាស់ឡើងកន្ទួលពេញខ្លួន ដូចនៅកន្លែងត្រជាក់ដែរ ។
តាមការឱ្យដឹងពីវេជ្ជបណ្ឌិត ជំងឺចម្លែកនេះ កម្រមានកើតណាស់ ហើយក៏មិនទាន់មានថ្នាំពិសេសសម្រាប់ព្យាបាលឱ្យចំដែរ បើខ្នះខ្នែងព្យាបាលបំផុតអាចមានសង្ឃឹមជាសះស្បើយត្រឹម១១ភាគរយប៉ុណ្ណោះ ។ ល្អបំផុត អ្នកជំងឺត្រូវរស់នៅមានអនាម័យ និងនៅតែកន្លែងណាមានសីតុណ្ហភាព៣០អង្សាសេ ហើយដាច់ខាតកុំញ៉ាំការ៉េម ៕ ឯកសារបរទេស
ចែករំលែកព័តមាននេះ