រាជធានីភ្នំពេញ ៖ គ្រោះថ្នាក់ចរាចរផ្លូវគោកទូទាំងប្រទេសក្នុងពិធីបុណ្យអុំទូករយៈពេលបីថ្ងៃ គិតពីថ្ងៃទី២១-២៣ ខែវិច្ឆកា ឆ្នាំ២០១៨ កើតឡើង៣៨លើក បណ្តាលឲ្យមនុស្សស្លាប់១៦នាក់(ធៀបឆ្នាំ២០១៧ថយចុះ៩នាក់) របួសធ្ងន់៣៨នាក់ របួសស្រាល២២នាក់ នេះបើយោងតាមរបាយការណ៍នាយកដ្ឋាននគរបាលចរាចរ និងសណ្តាប់ធ្នាប់។ របាយការណ៍ដដែលបានឲ្យដឹងទៀតថា ស្លាប់សរុប១៦នាក់(ស្រី១នាក់) ម៉ូតូស្លាប់១៦នាក់ស្មើ៨៨% (មិនពាក់មួក១១នាក់ស្មើ៧៩%) កង់ស្លាប់២នាក់ស្មើ១២%។
មូលហេតុគ្រោះថ្នាក់ ៖ ល្បឿន១៤លើក ថយ៤លើកស្លាប់៧នាក់,ស្រវឹង១លើក ថយ៣លើកស្លាប់១នាក់,ប្រជែង៤លើក ស្មើស្លាប់១នាក់, មិនប្រកាន់ស្តាំ៣លើក ថយ៤លើក ស្មើ៥៧%ស្លាប់គ្មាន,មិនគោរពសិទ្ធ១០លើក ថយ៨លើកស្មើ៤០០% ស្លាប់៤នាក់,បត់គ្រោះថ្នាក់៥លើក កើន៣ស្មើ១៥០%ស្លាប់២នាក់,កត្តាយានយន្ត១លើក ថយ១លើកស្មើ៥០%ស្លាប់១នាក់។ យានខូចខាត ៖ ម៉ូតូ៤០គ្រឿង, រថយន្តតូច១៥គ្រឿង,រថយន្តធំ៩គ្រៀង, យានផ្សេងៗ៣គ្រឿង។
រាជធានី-ខេត្តដែលគ្រោះថ្នាក់ និងរងគ្រោះច្រើន ៖ ភ្នំពេញ១០លើក ស្លាប់៤នាក់ របួស១៤នាក់, បាត់ដំបង៤លើក ស្លាប់២នាក់របួស១នាក់,កំពង់ធំ៤លើកស្លាប់២នាក់របួស៧នាក់, ស្វាយរៀង៣លើក ស្លាប់២នាក់ របួស១នាក់,បន្ទាយមានជ័យ៣លើក ស្លាប់៣នាក់របួស១នាក់,ព្រះសីហនុ២លើក ស្លាប់២នាក់របួស៤នាក់ និងខេត្តត្បូងឃ្មុំ១លើកស្លាប់១នាក់របួស១នាក់៕
ចែករំលែកព័តមាននេះ