ប្រធានាធិបតីរុស្ស៊ីលោកវ៉្លាឌីមៀរពូទីន សម្ព័ន្ធមិត្តក្រុងដាម៉ាស់អះអាងពីការខ្វែងគំនិតគ្នាខ្លាំងជាមួយបណ្តាដៃគូលោកខាងលិចលើបញ្ហាស៊ីរី ដោយលោកព្រមានប្រឆាំងនឹងការផ្តល់អាវុធឱ្យដល់ពួកឧទ្ទាម ។ លោកអះអាងបែបនេះ កាលពីថ្ងៃទី១៦ មិថុនា មុនកិច្ចប្រជុំកំពូល G-8 នៅក្រុងអ៊ុលស្ទ័រអៀរឡង់ខាងជើង ។
ប្រធានាធិបតីរុស្ស៊ីលោកវ៉្លាឌីមៀរពូទីន សម្ព័ន្ធមិត្តក្រុងដាម៉ាស់អះអាងពីការខ្វែងគំនិតគ្នាខ្លាំងជាមួយបណ្តាដៃគូលោកខាងលិចលើបញ្ហាស៊ីរី ដោយលោកព្រមានប្រឆាំងនឹងការផ្តល់អាវុធឱ្យដល់ពួកឧទ្ទាម ។ លោកអះអាងបែបនេះ កាលពីថ្ងៃទី១៦ មិថុនា មុនកិច្ចប្រជុំកំពូល G-8 នៅក្រុងអ៊ុលស្ទ័រអៀរឡង់ខាងជើង ។
ក្រោយការជួបគ្នានៅទីក្រុងឡុងដ៍ជាមួយនាយករដ្ឋមន្ត្រីអង់គ្លេស លោកដាវីដ កាមីរ៉ូន សំដៅស្វែងរកមធ្យោបាយនានាបញ្ចប់ជម្លោះស៊ីរីលោកពូទីនមានប្រសាសន៍ថា យើងពុំរំលោភបំពានច្បាប់ ឬបទដ្ឋានណាមួយឡើយ ក្នុងការផ្តល់អាវុធឱ្យដល់របបស៊ីរីរបស់លោកបាចាអាល់អាសាដ ហើយយើងអំពាវនាវដល់គ្រប់ដៃគូរបស់យើងឱ្យធ្វើដូចគ្នានេះ ។
ប្រធានាធិបតីពូទីនមានប្រតិកម្មបែបនេះទោះមិនបញ្ចេញឈ្មោះគឺចង់និយាយដល់សហរដ្ឋអាមេរិក ដែលប្រកាសកាលពីថ្ងៃទី១៣ មិថុនា ពីជំនួយយោធាមួយដល់ពួកឧទ្ទាមស៊ីរីក្រោយពីចោទប្រកាន់រដ្ឋាភិបាលក្រុងដាម៉ាស់ថា ប្រើប្រាស់អាវុធគីមីមក និងសំដៅសហភាពអឺរ៉ុបដែលលុបចោលកាលពីខែឧសភា នូវការហ៊ុមព័ន្ធអាវុធចំពោះពួកឧទ្ទាម ។បណ្តាប្រទេសនៃសហភាពអឺរ៉ុបរហូតមកទល់ពេលនេះមិនទាន់បោះជំហានដល់ការប្រគល់អាវុធឱ្យដល់ពួកឧទ្ទាមនៅឡើយ ព្រោះខ្លាចអាវុធទាំងនោះធ្លាក់ក្នុងដៃពួកអ៊ិស្លាមនិយមជ្រុល។
លោកពូទីនបន្តថា ខ្ញុំគិតថាគ្រប់គ្នានឹងយល់ស្របលើប្រការដែលថា ពុំចាំបាច់ជួយទ្រទ្រង់ដល់បណ្តាមនុស្សដែលពុំត្រឹមតែសម្លាប់សត្រូវរបស់ពួកគេប៉ុណ្ណោះទេ តែពុះកាត់យកបណ្តាសេរីរាង្គរបស់ពួកគេជាសាធារណៈនៅមុខកាមេរ៉ាទៀតផង ។ តើអ្នកចង់ផ្តល់អាវុធជួយដល់មនុស្សបែបទាំងនេះឬ? ប្រការបែបនេះវាពុំស្របទៅនឹងតម្លៃមនុស្សដែលអឺរ៉ុបប្រកាន់យក ចាប់តាំងពីច្រើនសតវត្សមកហើយនោះទេ ។
នៅលើទីលានវិញ មានការប្រយុទ្ធគ្នាយ៉ាងសាហាវនានាកាលពីថ្ងៃទី១៦ មិថុនា រវាងពួកឧទ្ទាម និងកងទ័ពស៊ីរី នៅខេត្តអាឡែប ជាគោលដៅនៃការវាយលុកថ្មីរបស់កងទ័ពដែលស្មោះត្រង់នឹងលោកបាចាអាល់អាសាដ ក្រោយវាយដណ្តើមកាន់កាប់ក្រុង QOUSSEIR ។ កងទ័ពបានប្រមូលផ្តុំតាមច្រកចូលនានានៃទីក្រុងអាឡែប ដែលត្រួតត្រាក្រុងនោះជាងពាក់កណ្តាល ។
ចំណែកនៅក្រុងដាម៉ាស់វិញទាហានយ៉ាងតិច២០នាក់ត្រូវរបួសក្នុងការវាយប្រហារដោយរថយន្តបង្កប់គ្រឿងផ្ទុះមួយ កាលពីយប់ថ្ងៃទី១៦ មិថុនា ត្រង់បារ៉ាស់កងទ័ពមួយស្ថិតនៅជិតព្រលានយន្តហោះយោធា MAZZEH ភាគខាងលិចក្រុងដាម៉ាស់ ៕
ចែករំលែកព័តមាននេះ