នាយករដ្ឋមន្ត្រីនៃសាធារណរដ្ឋឆេក លោក PETR NECAS ប្រកាសកាលពីល្ងាចថ្ងៃទី១៦ មិថុនាថា លោកនឹងលាលែងចេញពីតំណែងនាថ្ងៃទី១៧ មិថុនា ដោយទទួលស្គាល់ពីការទទួលខុសត្រូវរបស់លោកក្នុងរឿងអាស្រូវពុករលួយនយោបាយ និងរំលោភបំពានអំណាចមួយទាក់ទិនដល់ស្ត្រីសហការីជិតដិតបំផុតម្នាក់របស់លោក ។
នាយករដ្ឋមន្ត្រីនៃសាធារណរដ្ឋឆេក លោក PETR NECAS ប្រកាសកាលពីល្ងាចថ្ងៃទី១៦ មិថុនាថា លោកនឹងលាលែងចេញពីតំណែងនាថ្ងៃទី១៧ មិថុនា ដោយទទួលស្គាល់ពីការទទួលខុសត្រូវរបស់លោកក្នុងរឿងអាស្រូវពុករលួយនយោបាយ និងរំលោភបំពានអំណាចមួយទាក់ទិនដល់ស្ត្រីសហការីជិតដិតបំផុតម្នាក់របស់លោក ។
ក្នុងសន្និសីទសារព័ត៌មានក្រោយកិច្ចប្រជុំរបស់បណ្តាប្រមុខក្រុមចម្រុះក្នុងរដ្ឋាភិបាលលោក NECAS ថ្លែងថា ខ្ញុំនឹងលាលែងនាថ្ងៃទី១៧ មិថុនា ពីតំណែងនាយករដ្ឋមន្ត្រី ។ ខ្ញុំយល់ពីការទទួលខុសត្រូវខាងនយោបាយរបស់ខ្ញុំ ។ ខ្ញុំជាមនុស្សចចេសម្នាក់ ក៏ប៉ុន្តែខ្ញុំក៏ត្រូវគិតផងដែរថា ពេលវេលាមកដល់ហើយសម្រាប់ការចាកចេញ។
នាយិកាខុទ្ទកាល័យដ៏មានឥទ្ធិពលរបស់លោក NECAS លោកស្រី JANA NAGYOVA អាយុ៤៨ឆ្នាំ ដែលសារព័ត៌មាននិយាយថា ជាមិត្តស្រីរបស់លោក កាលពីថ្ងៃទី១៥ មិថុនា ត្រូវជាប់ឃុំឃាំងបណ្តោះអាសន្នក្រោយទទួលការចោទប្រកាន់ពីបទរៀបចំអំពើពុករលួយខាងនយោបាយ ហើយប្រើប្រាស់សម្រាប់បម្រើផលប្រយោជន៍ផ្ទាល់ខ្លួននូវបណ្តាបុគ្គលិកភ្នាក់ងារស៊ើបការណ៍យោធាក្នុងរោងចក្រអំបោះខុសច្បាប់របស់ភរិយាលោក NECAS ដែលលោកកំពុងតែលែងលះគ្នា ។ ឧត្តមសេនីយ៍២នាក់ និងសេនីយ៍ឯកម្នាក់ខាងផ្នែកស៊ើបការណ៍យោធា ក៏ទទួលការចោទប្រកាន់ដែរ ៕
ចែករំលែកព័តមាននេះ