ខេត្តបាត់ដំបង ៖ បុរសម្នាក់បានរងរបួសធ្ងន់ដោយសារត្រូវរថយន្តសណ្តោងស៊ីទែនដឹកកៅស៊ូបុកអូសជាង២០ម៉ែត្រពេលធ្វើដំណើរកាត់ទទឹងផ្លូវគ្នា កាលពីវេលាម៉ោង១២ និង៤០នាទីថ្ងៃត្រង់ ថ្ងៃទី១៧ មិថុនា ២០១៣ នៅលើកំណាត់ផ្លូវជាតិលេខ៥៧ ចំណុចផ្លូវបែកជាបួន ក្នុងភូមិវត្តគរ សង្កាត់វត្តគរ ក្រុងបាត់ដំបង ។
ខេត្តបាត់ដំបង ៖ បុរសម្នាក់បានរងរបួសធ្ងន់ដោយសារត្រូវរថយន្តសណ្តោងស៊ីទែនដឹកកៅស៊ូបុកអូសជាង២០ម៉ែត្រពេលធ្វើដំណើរកាត់ទទឹងផ្លូវគ្នា កាលពីវេលាម៉ោង១២ និង៤០នាទីថ្ងៃត្រង់ ថ្ងៃទី១៧ មិថុនា ២០១៣ នៅលើកំណាត់ផ្លូវជាតិលេខ៥៧ ចំណុចផ្លូវបែកជាបួន ក្នុងភូមិវត្តគរ សង្កាត់វត្តគរ ក្រុងបាត់ដំបង ។
សមត្ថកិច្ចបានឱ្យដឹងថា ជនរងគ្រោះឈ្មោះប៉ែន សារិត អាយុ៤៤ឆ្នាំ មានទីលំនៅភូមិព្រៃធំ ឃុំកំពង់ល្ពៅ ស្រុកសំឡូត ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅស៊េរីឆ្នាំ២០០៥ របួសធ្ងន់ត្រូវរថយន្តសង្គ្រោះរបស់សមត្ថកិច្ចបញ្ជូនទៅសង្គ្រោះភ្លាមៗ រីឯរថយន្តបង្កជាប្រភេទរថយន្តសណ្តោងស៊ីទែនដឹកកៅស៊ូបើកដោយបុរសឈ្មោះឌិន ដា អាយុ៣៦ឆ្នាំ មានទីលំនៅនៅរាជធានីភ្នំពេញ។
សាក្សីនៅកន្លែងកើតហេតុនិយាយថា គ្រោះថ្នាក់នេះកើតឡើងដោយសារភាគីទាំង២បើកបរក្នុងល្បឿនលឿនគួរសមដូចគ្នា ហើយខ្វះការប្រុងប្រយ័ត្នពេលធ្វើដំណើរដល់ផ្លូវបែកជាបួនដែលជាចំណុចគ្រោះថ្នាក់បំផុត។ ក្រោយកើតហេតុរថយន្ត និងម៉ូតូត្រូវបាននាំទៅរក្សាទុកនៅការិយាល័យជំនាញរង់ចាំភាគីទាំង២ចូលដោះស្រាយតាមច្បាប់ ៕
ចែករំលែកព័តមាននេះ