ខេត្តស្វាយរៀង ៖ បុរសម្នាក់ត្រូវរថយន្តកុងតឺន័របុកស្លាប់ភ្លាមៗលើកំណាត់ផ្លូវជាតិលេខ១ ចំណុចភូមិស្វាយ សង្កាត់ចេក ក្រុងស្វាយរៀង កាលពីវេលាម៉ោង៧យប់ ថ្ងៃទី១៥ មិថុនា បន្ទាប់ពីចេញពីផឹកជិះម៉ូតូបុកជាមួយរថយន្តកុងតឺន័រ ។ ប៉ូលិសនិយាយថា មុនពេលកើតហេតុជនរងគ្រោះឈ្មោះ មៅ សុផល ភេទប្រុស អាយុ២៩ឆ្នាំ ជាអ្នកបើករថយន្តរស់នៅភូមិពភ្លា សង្កាត់សង្ឃ័រ ក្រុង
ខេត្តស្វាយរៀង ៖ បុរសម្នាក់ត្រូវរថយន្តកុងតឺន័របុកស្លាប់ភ្លាមៗលើកំណាត់ផ្លូវជាតិលេខ១ ចំណុចភូមិស្វាយ សង្កាត់ចេក ក្រុងស្វាយរៀង កាលពីវេលាម៉ោង៧យប់ ថ្ងៃទី១៥ មិថុនា បន្ទាប់ពីចេញពីផឹកជិះម៉ូតូបុកជាមួយរថយន្តកុងតឺន័រ ។ ប៉ូលិសនិយាយថា មុនពេលកើតហេតុជនរងគ្រោះឈ្មោះ មៅ សុផល ភេទប្រុស អាយុ២៩ឆ្នាំ ជាអ្នកបើករថយន្តរស់នៅភូមិពភ្លា សង្កាត់សង្ឃ័រ ក្រុងស្វាយរៀង ត្រូវឪពុកមានៅភូមិចំបក់ សង្កាត់ចេក ហៅទៅចូលរួមផឹកស៊ី ពេលជិះម៉ូតូដល់ផ្ទះឪពុកមា ហើយឃើញមេឃភ្លៀងមិននៅផឹកស៊ីទេ ស្រាប់តែជិះម៉ូតូហុងដាសេ១២៥ ពណ៌ខ្មៅ ពាក់ស្លាកលេខស្វាយរៀង 1A-7037 ត្រឡប់មកវិញ ពីលិចទៅកើតលឿនស្លេវ ស្របពេលនោះគេឃើញរថយន្តកុងតឺន័រ១គ្រឿងម៉ាកហ៊ីយ៉ាន់ដាយ ពណ៌ស លាយខៀវពាក់ស្លាកលេខភ្នំពេញ 3B-2550 បើកចេញពីភូមិទទា សង្កាត់ចេក ពីកើតទៅលិច បញ្ច្រាសទិសគ្នាបានបុកជាមួយម៉ូតូជនរងគ្រោះខ្ទាតអ្នកជិះម៉ូតូចូលក្រោមកង់ក្រោយរថយន្តកិនបែកក្បាលធ្លាយខួរពេញថ្នល់ ប្រកាច់ស្លាប់មួយរំពេច និងម៉ូតូខូចធ្ងន់ធ្ងរ ។ ក្រោយកើតហេតុ រថយន្តកុងតឺន័របើករត់គេចធ្លាក់ចិញ្ចើមផ្លូវទៅមុខលែងរួច ទើបអ្នកបើកបររត់គេចខ្លួនបាត់ស្រមោល ។ សមត្ថកិច្ចបានដឹកសពជនរងគ្រោះមកប្រគល់ឱ្យក្រុមគ្រួសារធ្វើបុណ្យតាមប្រពៃណី ឯម៉ូតូនិងរថយន្តយកទៅរក្សាទុកនៅការិយាល័យនគរបាលចរាចរខេត្ត ដោះស្រាយតាមផ្លូវច្បាប់ ៕
ចែករំលែកព័តមាននេះ