រាជធានីភ្នំពេញ៖ រថយន្តកូរ៉ូឡា ពណ៌ស្លែ បានព្យាយាមបើកវ៉ារថយន្តឡិចស៊ីសខាងឆ្វេង តែម្ចាស់ឡិចស៊ីសមិនព្រមឱ្យវ៉ា ហើយម្ចាស់កូរ៉ូឡានៅតែព្យាយាមជែងរហូតជ្រុលទៅបុករនាំងដែកចែកផ្លូវបាក់អស់៥ផ្ទាំង បន្ទាប់មកម្ចាស់រថយន្តបង្កបានព្យាយាមបើករត់គេចទាំងបែកកង់មុខទាំង២ ចូលទៅដេកក្នុងសណ្ឋាគារ។
រាជធានីភ្នំពេញ៖ រថយន្តកូរ៉ូឡា ពណ៌ស្លែ បានព្យាយាមបើកវ៉ារថយន្តឡិចស៊ីសខាងឆ្វេង តែម្ចាស់ឡិចស៊ីសមិនព្រមឱ្យវ៉ា ហើយម្ចាស់កូរ៉ូឡានៅតែព្យាយាមជែងរហូតជ្រុលទៅបុករនាំងដែកចែកផ្លូវបាក់អស់៥ផ្ទាំង បន្ទាប់មកម្ចាស់រថយន្តបង្កបានព្យាយាមបើករត់គេចទាំងបែកកង់មុខទាំង២ ចូលទៅដេកក្នុងសណ្ឋាគារ។
ហេតុការណ៍រថយន្តបុករនាំងដែកចែកផ្លូវនេះបានកើតឡើងកាលពីវេលាម៉ោង២ និង១៥នាទីរំលងអធ្រាត្រឈានចូលថ្ងៃទី១៧ មិថុនា ២០១៣ នៅតាមបណ្ដោយមហាវិថីព្រះមុនីវង្ស សង្កាត់បឹងព្រលិត ខណ្ឌ៧កមរា។
ប្រភពព័ត៌មានពីសមត្ថកិច្ចបានឱ្យដឹងថា ក្រោយពេលកើតហេតុរថយន្តបង្កបានបើកគេចទៅដេកនៅសណ្ឋាគារ ព្រីនសេស ស្ថិតក្នុងសង្កាត់បឹងរាំង ខណ្ឌដូនពេញ ដោយប្រាប់សន្តិសុខឱ្យជួយលាក់បាំង ប្រសិនបើមានសមត្ថកិច្ចមកសួរនាំ ។ បន្ទាប់ពីតាមដានសមត្ថកិច្ចបានប្រទះឃើញរថយន្តបង្កនៅក្នុងសណ្ឋាគារ ហើយក៏ហៅរថយន្តទៅស្ទួចយកមករក្សាទុកនៅការិយាល័យនគរបាលចរាចរណ៍ផ្លូវគោក ចំណែកឯម្ចាស់រថយន្តសមត្ថកិច្ចកំពុងធ្វើការទំនាក់ទំនងជាមួយម្ចាស់សណ្ឋាគារដើម្បីស្វែងរក៕
ចែករំលែកព័តមាននេះ