អាជ្ញាធរក្នុងអាកាសយានដ្ឋានអន្តរជាតិ ចន អេហ្វកេណេឌី(JFK) ក្នុងទីក្រុងញូវយ៉ក មានគម្រោងសាងសង់របាំងការពារផ្លូវយន្តហោះ ដែលមានបណ្តោយជាង១.២០០ម៉ែត្រ ដើម្បីដោះស្រាយបញ្ហាសត្វអណ្តើកដែលវារឆ្លងកាត់ផ្លូវ និងចាត់ទុកថាជាបញ្ហាដ៏ធំមួយធ្វើឱ្យប៉ះពាល់ដល់ការចុះឡើងរបស់យន្តហោះ ។
អាជ្ញាធរក្នុងអាកាសយានដ្ឋានអន្តរជាតិ ចន អេហ្វកេណេឌី(JFK) ក្នុងទីក្រុងញូវយ៉ក មានគម្រោងសាងសង់របាំងការពារផ្លូវយន្តហោះ ដែលមានបណ្តោយជាង១.២០០ម៉ែត្រ ដើម្បីដោះស្រាយបញ្ហាសត្វអណ្តើកដែលវារឆ្លងកាត់ផ្លូវ និងចាត់ទុកថាជាបញ្ហាដ៏ធំមួយធ្វើឱ្យប៉ះពាល់ដល់ការចុះឡើងរបស់យន្តហោះ ។
នៅក្នុងរបាយការណ៍ពីទីភ្នាក់ងារព័ត៌មានបរទេសផ្សាយថា ក្រុមអ្នកគ្រប់គ្រងអាកាសយានដ្ឋាន JFK ត្រៀមសាងសង់កំផែងការពារផ្លូវដើម្បីដោះស្រាយបញ្ហានៃការរុករានរបស់សត្វអណ្តើក ដែលវារនៅលើដងផ្លូវក្នុងអាកាស យាននេះ ។ គម្រោងនេះបានកើតឡើងក្រោយពីអាជ្ញាធរបានចាប់អណ្តើកមិនតិចជាង១.៣០០ក្បាលចេញពីដងផ្លូវ ដើម្បីការពារពួកវាមិនឱ្យគ្រោះថ្នាក់ និងការពារក្រែងបង្កគ្រោះថ្នាក់ដល់យន្តហោះក្នុងពេលឡើងឬចុះ ។
លោក រ៉ុន មា៉ស៊ីកូ អ្នកនាំពាក្យក្នុងអាកាសយានដ្ឋាន JFK បានថ្លែងថា យើងព្យាយាមរិះរកគ្រប់វិធីសាស្ត្រដើម្បីការពារគ្រោះថ្នាក់ និងមិនចង់ឃើញអណ្តើករបួសឬងាប់ ។ ស្របពេលមានការសាងសង់កំផែងការពារនេះ នឹងបង្កើតនូវជំនឿចិត្តថា ការឡើងចុះរបស់យន្តហោះនៅអាកាសយានដ្ឋាននឹងមានសុវត្ថិភាពល្អ ។
ទោះជាយ៉ាងណាក៏ដោយ គម្រោងរបស់អាកាសយានដ្ឋានខាងលើកំពុងទទួលការប្រឆាំងពីសំណាក់សកម្មជនការពារបរិស្ថាន ដោយបញ្ជាក់ថា ទោះបីជាការសាងសង់កំផែងលើផ្លូវយន្តហោះនឹងជួយដោះស្រាយបញ្ហារុករានរបស់អណ្តើកក៏ពិតមែន ប៉ុន្តែទង្វើនេះនឹងប៉ះពាល់ដល់អណ្តើកនៅក្នុងតំបន់ ព្រោះពួកវានឹងប្រឈមមុខពីការប្រមាញ់ធ្ងន់ធ្ងរ ៕
ចែករំលែកព័តមាននេះ