រាជធានីភ្នំពេញ ៖ បុរស៣នាក់បានរងរបួសធ្ងន់ធ្ងរសន្លប់ក្នុងថ្លុកឈាម ខណៈកំពុងជិះម៉ូតូសង់កូរ៉េ ពណ៌ក្រហមមួយគ្រឿងត្រូវរថយន្តហ្វររ៉េនន័រ ពណ៌ទឹកប្រាក់ បើកលឿនជ្រុលបុកពីក្រោយ កាលពីវេលាម៉ោង១០យប់ថ្ងៃទី១៦ មិថុនា តាមបណ្តោយផ្លូវលេខ១៩៨៦ ទល់មុខភោជនីយដ្ឋានមួយកន្លែង ក្នុងសង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ បុរស៣នាក់បានរងរបួសធ្ងន់ធ្ងរសន្លប់ក្នុងថ្លុកឈាម ខណៈកំពុងជិះម៉ូតូសង់កូរ៉េ ពណ៌ក្រហមមួយគ្រឿងត្រូវរថយន្តហ្វររ៉េនន័រ ពណ៌ទឹកប្រាក់ បើកលឿនជ្រុលបុកពីក្រោយ កាលពីវេលាម៉ោង១០យប់ថ្ងៃទី១៦ មិថុនា តាមបណ្តោយផ្លូវលេខ១៩៨៦ ទល់មុខភោជនីយដ្ឋានមួយកន្លែង ក្នុងសង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុរថយន្តហ្វររ៉េនន័រ ពណ៌ទឹកប្រាក់មួយគ្រឿងមិនចាំស្លាកលេខ បើកបរដោយបុរសម្នាក់យ៉ាងលឿនតាមផ្លូវលេខ១៩៨៦ ក្នុងទិសដៅពីកើតទៅលិច ស្រាប់តែមកដល់ចំណុចកើតហេតុខាងលើ បានវ៉ារថយន្តមួយគ្រឿង ក៏ជ្រុលចង្កូតទៅបុកមូ៉ូតូសង់កូរ៉េ ពណ៌ក្រហមគ្មានស្លាកលេខ ជិះដោយបុរស៣នាក់ចំពីក្រោយពេញទំហឹង បណ្តាលឱ្យដួលបោកក្បាលទៅនឹងថ្នល់សន្លប់ស្តូកស្តឹងទាំងអស់គ្នា ។
ក្រោយពេលកើតហេតុរថយន្តបើករត់បាត់ស្រមោល នៅសល់តែជនរងគ្រោះទាំង៣នាក់ ត្រូវបានរថយន្តសាមុយដឹកទៅសង្គ្រោះបន្ទាន់នៅមន្ទីរពេទ្យឯកជនមួយ ចំណែកម៉ូតូត្រូវប៉ូលិសយកទៅរក្សាទុកនៅអធិការដ្ឋាននគរបាលខណ្ឌសែនសុខ ៕
ចែករំលែកព័តមាននេះ