រាជធានីភ្នំពេញ ៖ រថយន្ត Rang Rover ពណ៌សមួយគ្រឿងបើកដោយបុរសម្នាក់ដែលគេស្គាល់ឈ្មោះថា ញ៉ែម កុសល មានឋានៈជាឧកញ៉ាបានបើកបំបុករថយន្តមួយគ្រឿងទៀតម៉ាកកាមរីបាឡែនពណ៌ទឹកប្រាក់ដែលម្ចាស់ចតទុកនៅមុខផ្ទះបណ្តាលឱ្យម្ចាស់រថយន្តរបួសធ្ងន់-ស្រាល៣នាក់ និងខូចខាតទ្វាររថយន្តមួយចំហៀង កាលពីវេលាម៉ោង១១ និង២០នាទីយប់
រាជធានីភ្នំពេញ ៖ រថយន្ត Rang Rover ពណ៌សមួយគ្រឿងបើកដោយបុរសម្នាក់ដែលគេស្គាល់ឈ្មោះថា ញ៉ែម កុសល មានឋានៈជាឧកញ៉ាបានបើកបំបុករថយន្តមួយគ្រឿងទៀតម៉ាកកាមរីបាឡែនពណ៌ទឹកប្រាក់ដែលម្ចាស់ចតទុកនៅមុខផ្ទះបណ្តាលឱ្យម្ចាស់រថយន្តរបួសធ្ងន់-ស្រាល៣នាក់ និងខូចខាតទ្វាររថយន្តមួយចំហៀង កាលពីវេលាម៉ោង១១ និង២០នាទីយប់ ថ្ងៃទី១៦ មិថុនា ២០១៣ នៅក្នុងបុរីមួយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
ជនរងគ្រោះទាំង៣នាក់ ១-ឈ្មោះនី សាត ភេទប្រុស អាយុ៤៩ឆ្នាំ ជាប្តី របួសបាក់ជើងទាំងសងខាង, ២-ឈ្មោះទេព លីហ្សា ភេទស្រី អាយុ៤១ឆ្នាំ ជាប្រពន្ធ និង៣-ឈ្មោះសាត នីតា ភេទស្រី អាយុ១៩ឆ្នាំ បាក់កដៃស្តាំ ។ ក្រុមគ្រួសារនេះប្រកបរបរលក់សាច់គោអាំងនៅផ្ទះកើតហេតុ។
លោកម៉ក់ ហុង អធិការប៉ូលិសខណ្ឌសែនសុខបានឱ្យដឹងថា ហេតុការណ៍ខាងលើនេះផ្តើមចេញពីបញ្ហាទំនាស់ ដែលជនរងគ្រោះជំពាក់ប្រាក់លោកឧកញ៉ាប្រមាណ២.០០០ដុល្លារមិនសង។ ក្រោយពីបង្កហេតុរួច រថយន្ត Rang Rover បានបើកគេចបាត់ស្រមោល។ តាមប្រភពបានឱ្យដឹងថា ម្ចាស់រថយន្តទាំង២ជាមិត្តភក្តិគ្នា រស់នៅក្នុងបុរីតែមួយ៕
ចែករំលែកព័តមាននេះ