សេតវិមានវាយតម្លៃកាលពីថ្ងៃទី១៣ មិថុនាថា ខ្សែបន្ទាត់ក្រហមត្រូវបានឆ្លងកាត់នៅស៊ីរីដោយចោទប្រកាន់លោកប្រធានាធិបតីបាចាអាល់អាសាដថា ប្រើប្រាស់អាវុធគីមី ក្នុងនោះមានឧស្ម័នសារីន SARIN ផង ហើយដោយប្រកាសពីការផ្តល់ជំនួយខាងយោធាដល់ពួកឧទ្ទាម ។
សេតវិមានវាយតម្លៃកាលពីថ្ងៃទី១៣ មិថុនាថា ខ្សែបន្ទាត់ក្រហមត្រូវបានឆ្លងកាត់នៅស៊ីរីដោយចោទប្រកាន់លោកប្រធានាធិបតីបាចាអាល់អាសាដថា ប្រើប្រាស់អាវុធគីមី ក្នុងនោះមានឧស្ម័នសារីន SARIN ផង ហើយដោយប្រកាសពីការផ្តល់ជំនួយខាងយោធាដល់ពួកឧទ្ទាម ។
ខណៈដែលពួកឧទ្ទាមស៊ីរីហាក់កំពុងទន់ដៃប្រឈមមុខនឹងការវាយលុកនានារបស់កងទ័ពរដ្ឋាភិបាល ប្រទេសបារាំង និងអង់គ្លេស បានចោទប្រកាន់រួចហើយដល់របបលោកអាសាដថាប្រើអាវុធគីមី រួចពេលនេះដល់វេនសហរដ្ឋអាមេរិកថ្កោលទោសពីរឿងនេះដែរ ហើយប្រកាសផ្តល់ជំនួយយោធាដល់ពួកឧស្ម័ន ។
សេតវិមានមិនផ្តល់ភាពលម្អិតនៃរូបភាពផ្តល់ជំនួយយោធានេះឡើយ ។ ក្នុងដំណាក់កាលនេះសេតវិមានពុំទាន់ប្រកាសពីការសម្រេចចិត្តចេញមុខផ្តល់អាវុធដល់ពួកឧទ្ទាមដើម្បីប្រឈមមុខនឹងកម្លាំងវាយលុករបស់កងកម្លាំងលោកអាសាដនៅឡើយ ដោយគ្រាន់តែលើកឡើងពីការបង្កើនជំនួយយោធាប៉ុណ្ណោះ ។
លោក BEN RHODES ទីប្រឹក្សារងខាងសន្តិសុខជាតិរបស់ប្រធានាធិបតីប្រកាសថា មនុស្សរវាងពី១០០ទៅ១៥០នាក់ត្រូវស្លាប់ ដោយសារការវាយប្រហារអាវុធគីមី ។ លោកបន្តថា លោកប្រធានាធិបតីនិយាយច្បាស់ថា ការប្រើប្រាស់អាវុធគីមី ឬការផ្ទេរអាវុធគីមីឱ្យដល់បណ្តាក្រុមភេរវកម្ម គឺជាខ្សែបន្ទាត់ក្រហមសម្រាប់សហរដ្ឋអាមេរិក ។ ប្រធានាធិបតីអះអាងថា ការប្រើអាវុធគីមី នឹងផ្លាស់ប្តូរជំហរលោកហើយ ។ យើងគិតថា របបលោកអាសាដរក្សាការត្រួតពិនិត្យអាវុធទាំងនេះ រួចយើងពុំមានព័ត៌មានរឹងមាំដែលបញ្ជាក់ថា ពួកបះបោរនៅស៊ីរីទទួលបាន ឬប្រើអាវុធគីមី ឬយ៉ាងណានៅឡើយ ។
ការប្រកាសរបស់អាមេរិកធ្វើឡើង៩ថ្ងៃបន្ទាប់ពីបារាំងអះអាងពីការជឿជាក់លើការប្រើប្រាស់អាវុធគីមីដោយរបបស៊ីរី ។
ប្រឈមមុខនឹងជ័យជម្នះទាំងឡាយនាពេលថ្មីៗនេះរបស់កងទ័ពស៊ីរីលើពួកឧទ្ទាម កិច្ចប្រជុំមួយគ្រោងធ្វើនាថ្ងៃទី១៤ មិថុនា នៅប្រទេសតួកគី រវាងតំណាងរបស់បណ្តាប្រទេសដែលជួយទ្រទ្រង់ពួកឧទ្ទាម និងប្រមុខក្រុមប្រឹក្សាយោធាកំពូលរបស់កងទ័ពស៊ីរីសេរីលោកសេលីប អីុឌ្រីស ដើម្បីពិភាក្សាពីការអនុវត្តជាក់ស្តែងនូវការផ្តល់ជំនួយដល់ពួកឧទ្ទាម ។
យោងតាមម៉ាស៊ីនឃោសនាផ្លូវការស៊ីរីថា កាលពីថ្ងៃទី១៣ មិថុនា ព្រលានយន្តហោះអន្តរជាតិក្រុងដាម៉ាស់ រងការវាយប្រហារដោយកាំភ្លើងត្បាល់ពីសំណាក់ពួកឧទ្ទាម ។ នេះជាការវាយប្រហារដ៏កម្រមួយប្រឆាំងព្រលានយន្តហោះនេះ តាំងពីចាប់ផ្តើមជម្លោះពីខែមីនា ឆ្នាំ២០១១មក ដោយបើតាមតុល្យការថ្មីមួយរបស់ អ.ស.ប ថា បណ្តាលឱ្យមនុស្សស្លាប់ឡើងដល់ជាង៩៣.០០០នាក់ហើយ ។
លោកស្រីណាវី ពីលឡៃ ប្រមុខនៃស្នងការជាន់ខ្ពស់ អ.ស.ប ខាងសិទ្ធិមនុស្សថ្លែងថា ការសម្លាប់មនុស្សមិនឈប់ឈរនៅតែបន្តក្នុងកម្រិតខ្ពស់បំផុត ជាមួយមនុស្សស្លាប់គិតជាមធ្យម៥ .០០០នាក់ក្នុង១ខែ ចាប់តាំងពីខែកក្កដា ឆ្នាំ២០១២ ហើយមានមនុស្ស២៧.០០០នាក់ស្លាប់ថែមទៀត ចាប់ពីខែធ្នូមក ។ ចំនួននេះប្រហែលជានៅទាបផង ព្រោះចំនួនពិតប្រាកដនៃមនុស្សស្លាប់អាចមានច្រើនជាងនេះទៀត ។ លោកស្រីបន្តទៀតថា កងកម្លាំងរដ្ឋាភិបាលបានធ្វើការវាយប្រហារតាមអាកាសរាល់ថ្ងៃលើបណ្តាតំបន់ទីក្រុង ហើយក៏ប្រើប្រាស់ផងដែរនូវមីស៊ីលយុទ្ធសាស្ត្រ គ្រាប់បែកអំបែង និងគ្រាប់បែកណាប៉ាល់ ។ ចំណែកកងកម្លាំងប្រឆាំងវិញក៏វាយប្រហារដែរលើបណ្តាតំបន់មានប្រជាជនរស់នៅច្រើន ហើយបាញ់ផ្លោងដាក់កណ្តាលក្រុងនានា ពិសេសលើក្រុងដាម៉ាស់បណ្តាលឱ្យមានជនរងគ្រោះជាច្រើននាក់ ។
ក្នុងចំណោមអ្នកស្លាប់មានក្មេងជំទង់យ៉ាងតិច៦.៥៦១នាក់ ក្នុងនោះមានកុមារយ៉ាងតិច១.៧២៩នាក់ ដែលមានអាយុក្រោម១០ឆ្នាំ ។ ក្រៅពីនេះមានកុមារជាច្រើននាក់រងការធ្វើទារុណកម្ម និងការប្រហារជីវិត រួចក៏មានគ្រួសារទាំងមូលត្រូវសម្លាប់ផងដែរ រួមទាំងកូនង៉ែត ៕
ចែករំលែកព័តមាននេះ