រាជធានីភ្នំពេញ ៖ ស្ដ្រីម្នាក់បើករថយន្ដម៉ាកតាកូម៉ាជ្រុលទៅបុកគូទរថយន្ដកូរ៉េដឹកកម្ទេចថ្មមួយគ្រឿង ដែលចតស្ងៀមនៅចិញ្ចើមផ្លូវពេញទំហឹង ។ ហេតុការណ៍នេះកើតឡើងកាលពីវេលាម៉ោង១១និង១០នាទីព្រឹក ថ្ងៃទី១៤ មិថុនា នៅលើកំណត់មហាវិថីសហព័ន្ធរុស្ស៊ី ត្រង់ចំណុចក្បែរអាកាសយានដ្ឋានអន្ដរជាតិភ្នំពេញ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។ រថយន្ដ
រាជធានីភ្នំពេញ ៖ ស្ដ្រីម្នាក់បើករថយន្ដម៉ាកតាកូម៉ាជ្រុលទៅបុកគូទរថយន្ដកូរ៉េដឹកកម្ទេចថ្មមួយគ្រឿង ដែលចតស្ងៀមនៅចិញ្ចើមផ្លូវពេញទំហឹង ។ ហេតុការណ៍នេះកើតឡើងកាលពីវេលាម៉ោង១១និង១០នាទីព្រឹក ថ្ងៃទី១៤ មិថុនា នៅលើកំណត់មហាវិថីសហព័ន្ធរុស្ស៊ី ត្រង់ចំណុចក្បែរអាកាសយានដ្ឋានអន្ដរជាតិភ្នំពេញ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។ រថយន្ដម៉ាកតាកូម៉ានោះ ពណ៌ខ្មៅ ពាក់ស្លាកលេខ ភ្នំពេញ2Q-3525 ខូចខាតផ្នែកខាងមុខយ៉ាងដំណំ ។
ប៉ូលិសចរាចរខណ្ឌពោធិ៍សែនជ័យឱ្យដឹងថា មុនពេលកើតហេតុ រថយន្ដម៉ាកតាកូម៉ាបើកពីលិចទៅកើតក្នុងល្បឿនលឿនល្មម លុះទៅដល់ចំណុចកើតហេតុ ដោយសារតែស្ដ្រីជាអ្នកបើកបរមិនបានដេកជាច្រើនយប់ ព្រោះជាប់មើលម្ដាយនៅមន្ទីរពេទ្យ ក៏ងងុយងោកមួយភាំងជ្រុលទៅបុកគូទរថយន្ដកូរ៉េដឹកកម្ទេចថ្មពីក្រោយពេញទំហឹងលាន់សូរដូចរន្ទះ បណ្ដាលឱ្យក្រពឹតរួញមុខយ៉ាងដំណំតែម្ដង ប៉ុន្ដែសំណាងល្អអ្នកបើកបរមិនរងរបួសធ្ងន់ឡើយ ។
ក្រោយពេលកើតហេតុ ស្រ្ដីជាអ្នកបើកបរមិនបានរករឿងទារសំណងអ្វីពីភាគីរថយន្ដកូរ៉េដឹកកម្ទេចថ្មទេ ឯរថយន្ដតាកូម៉ាដែលខូចខាតត្រូវរថយន្ដផ្សេងសណ្ដោងយកទៅជួសជុល ៕
ចែករំលែកព័តមាននេះ