តំបន់សេដ្ឋកិច្ចពិសេសទី២បានចាប់ផ្តើមហើយ
- ព្រះសីហនុ
ខេត្តព្រះសីហន ៖ តំបន់សេដ្ឋកិច្ចពិសេស ចេ ជាង មានទីតាំងក្នុងភូមិត្រពាំងមូល ឃុំជើងគោស្រុកព្រៃនប់ ខេត្តព្រះសីហនុ ត្រូវបានបើកការដ្ឋានសាងសង់ ហើយនៅព្រឹកថ្ងៃទី១៥…
ខេត្តព្រះសីហន ៖ តំបន់សេដ្ឋកិច្ចពិសេស ចេ ជាង មានទីតាំងក្នុងភូមិត្រពាំងមូល ឃុំជើងគោស្រុកព្រៃនប់ ខេត្តព្រះសីហនុ ត្រូវបានបើកការដ្ឋានសាងសង់ ហើយនៅព្រឹកថ្ងៃទី១៥ វិច្ឆិកា២០១ ៨នេះ ក្រោមវត្តមានជាគណៈធិបតីលោក កឹម ស៊ីថន រដ្ឋលេខាធិការក្រសួងពាណិជ្ជកម្ម លោក យន្ត មីន អភិបាលខេត្តព្រះសីហនុ លោក ជា វុទ្ធីអគ្គលេខាធិការរងតំបន់សេដ្ឋកិច្ចពិសេសចេ ជាង អភិបាលក្រុមហ៊ុន ស្ថាប័ណ្ណជំនាញពាក់ព័ន្ធអាជ្ញាធរមូលដ្ឋាន ប្រជាពលរដ្ឋ លោកគ្រូ អ្នកគ្រូ និងសិស្សានុសិស្សជាច្រើននាក់ ។
តំបន់សេដ្ឋកិច្ចពិសេស ចេ ជាង ជារបស់ក្រុមហ៊ុនខេមបូឌា ចេ ជាងហ្គ៍រជីអេសអ៊ីហ្សេត បានសាងសង់លើផ្ទៃដីចំនួន១៣៣ហិកតា តាមបណ្តោយផ្លូវជាតិលេខ៤ ស្តិតក្នុងភូមិត្រពាំងមូលឃុំជើងគោ ស្រុកព្រៃនប់ ខេត្តព្រះសីហនុ ចំងាយពីប្រជុំជនវាលរេញប្រមាណជាជាង៥គីឡូម៉ែត្រ និងចំងាយពីទីរួមខេត្តព្រះសីហនុប្រមាណជា៥៣គីឡូម៉ែត្រ នេះជាតំបន់សេដ្ឋកិច្ចពិសេសទី២ បន្ទាប់តំបន់សេដ្ឋពិសេសបិតត្រាំង ក្នុងស្រុកព្រៃនប់ ដែលកំពុងដំណើរការយ៉ាងរលូន ហើយមានកម្មកររាប់ម៉ឺននាក់ កំពុងបម្រើការនៅទីនោះ ហើយបើតាមអភិបាលក្រុមហ៊ុនអោយដឹងជា ជំហ៊ានដំបូងថា តំបន់សេដ្ឋកិច្ចនេះអាចស្រូបយកកម្មករប្រមាណ១ម៉ឺននាក់ ។
នៅក្នុងឱកាសនោះលោក កឹម ស៊ីថន រដ្ឋលេខាធិការក្រសួងពាណិជ្ជកម្មបានអញ្ជើញមានមតិសំណេះ សំណាល ដោយផ្តោតសំខាន់លើការអភិវឌ្ឍឥតឈប់ឈរ ជាក់ស្តែងនេះជាការភិវឌ្ឈថ្មីមួយទៀត នៅក្នុងទឹកដីស្រុកព្រៃនប់ ខេត្តព្រះសីហនុ ដែលជាការវិវឌ្ឍក្រោមដំបូលសន្តិភាព ដែលដឹកនាំដោយរដ្ឋាភិបាល គឺសម្តេចតេជោ ហ៊ុន សែន ជានាយករដ្ឋមន្ត្រី ពោពេញដោយសន្តិភាព ហើយជាមួយគ្នានេះកាងាររិតតែខិតមកនៅជិតបងប្អូនប្រជាពលរដ្ឋ ។
នៅក្នុងឱកាសនោះដែរ លោករដ្ឋលេខាធិការបានផ្តាំផ្ញើផងដែរក្រុមហ៊ុនត្រូវតែសហការគ្នាអោយបានល្អ ជាមួយអាជ្ញាធរមូលដ្ឋានខេត្តស្រុក ដើម្បីផលប្រយោជន៍រួមដល់ប្រជាពលរដ្ឋ ស្របតាមទិសដៅប្រមុខរដ្ឋាភិបាល៕
ចែករំលែកព័តមាននេះ