ខេត្តកណ្តាល ៖ បុរស២នាក់ជិះម៉ូតូយ៉ាងលឿនតាមផ្លូវបញ្ច្រាសទិស ជ្រុលទៅបុកជាមួយរថយន្តមួយគ្រឿង ចំពីមុខពេញទំហឹង បណ្តាលឱ្យអ្នកបើកម៉ូតូទាំងពីរនាក់បោកផ្ទប់ជាមួយរថយន្ត បែកក្បាលបាក់.កស្លាប់ភា្លមៗនៅនឹងកន្លែង នៅមុខផ្សារតាខ្មៅថ្មី លើផ្លូវជាតិលេខ២ ស្ថិតក្នុងភូមិ-សង្កាត់ដើមមៀន ក្រុងតាខ្មៅ កាលពីម៉ោង៨ និង២០នាទីយប់ ថ្ងៃទី១២ មិថុនា ។
ខេត្តកណ្តាល ៖ បុរស២នាក់ជិះម៉ូតូយ៉ាងលឿនតាមផ្លូវបញ្ច្រាសទិស ជ្រុលទៅបុកជាមួយរថយន្តមួយគ្រឿង ចំពីមុខពេញទំហឹង បណ្តាលឱ្យអ្នកបើកម៉ូតូទាំងពីរនាក់បោកផ្ទប់ជាមួយរថយន្ត បែកក្បាលបាក់.កស្លាប់ភា្លមៗនៅនឹងកន្លែង នៅមុខផ្សារតាខ្មៅថ្មី លើផ្លូវជាតិលេខ២ ស្ថិតក្នុងភូមិ-សង្កាត់ដើមមៀន ក្រុងតាខ្មៅ កាលពីម៉ោង៨ និង២០នាទីយប់ ថ្ងៃទី១២ មិថុនា ។
ប៉ូលិសចរាចរក្រុងតាខ្មៅឱ្យដឹងថា ជនរងគ្រោះដែលស្លាប់ឈ្មោះ អេង ចំណាន អាយុ២១ឆ្នាំ មានលំនៅភូមិព្រែករុន ឃុំព្រែកគយ ស្រុកស្អាង ជាអ្នកបើកម៉ូតូម៉ាកស្មាសវី ពណ៌ខ្មៅ ពាក់ស្លាកលេខ ភ្នំពេញ 1BV-0241 និងម្នាក់ទៀតឈ្មោះ ធឿន ចាន់ថុល អាយុ២១ឆ្នាំ មានលំនៅភូមិរលួស សង្កាត់ព្រែកកំពិស ខណ្ឌដង្កោ។ ចំណែករថយន្តម៉ាកហ៊ីយ៉ាន់ដាយ ប្រភេទដឹកទំនិញបិទឃ្លុប ពាក់ស្លាកលេខ កណ្តាល 3A-0495 បើកបរដោយឈ្មោះ ម៉ី ប៉ុនទិត អាយុ៣៤ឆ្នាំ មានលំនៅភូមិព្រែកប្រា សង្កាត់ច្បារអំពៅទី១ ខណ្ឌមានជ័យ ។
ប៉ូលិសឱ្យដឹងបន្តថា មុនពេលកើតហេតុបុរសរងគ្រោះទាំងពីរនាក់ជិះម៉ូតូឌុបគ្នាពីជើងទៅត្បូងតាមផ្លូវជាតិលេខ២ បញ្ច្រាសទិសពីរង្វង់មូលតាខ្មៅហើយឆ្លងស្ពានថ្ម រហូតដល់មុខផ្សារតាខ្មៅថ្មីចម្ងាយជាង៤០០ម៉ែត្រ លុះដល់ចំណុចកើតហេតុ ក៏បុកជាមួយរថយន្តខាងលើ ចំពីមុខពេញទំហឹង បណ្តាលឱ្យអ្នកជិះម៉ូតូទាំងពីរនាក់បោកផ្ទប់ជាមួយរថយន្ត និងថ្នល់បែកក្បាល បាក់.កស្លាប់ភ្លាមៗ ចំណែកអ្នកបើកបររថយន្តរត់គេចបាត់ ប៉ុន្តែប៉ូលិសបានស្គាល់អត្តសញ្ញាណហើយ ។
ក្រោយពេលកើតហេតុ សពត្រូវយកទៅតម្កល់ទុកនៅមន្ទីរពេទ្យជ័យជម្នះក្រុងតាខ្មៅ ក្រោយមកប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ចំណែករថយន្ត និងម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋាន រង់ចាំដោះស្រាយពេលក្រោយ ៕
ចែករំលែកព័តមាននេះ