នារីសកម្មជនអឺរ៉ុប៣នាក់នៃក្រុម FEMEN ត្រូវទទួលការកាត់ទោសកាលពីថ្ងៃទី១២ មិថុនា នៅទុយនីស៊ីដាក់គុកម្នាក់ៗ៤ខែ ពីបទធ្វើសកម្មភាពដោះអាវបង្ហាញដោះកណ្តាលវាល ដែលនោះជាការកាត់ទោសមួយ ធ្វើឱ្យប៉ះពាល់ដល់សេរីភាពនៃការបញ្ចេញមតិក្នុងប្រទេសនោះ ដែលដឹកនាំដោយពួកអ៊ិស្លាមនិយម ។
នារីសកម្មជនអឺរ៉ុប៣នាក់នៃក្រុម FEMEN ត្រូវទទួលការកាត់ទោសកាលពីថ្ងៃទី១២ មិថុនា នៅទុយនីស៊ីដាក់គុកម្នាក់ៗ៤ខែ ពីបទធ្វើសកម្មភាពដោះអាវបង្ហាញដោះកណ្តាលវាល ដែលនោះជាការកាត់ទោសមួយ ធ្វើឱ្យប៉ះពាល់ដល់សេរីភាពនៃការបញ្ចេញមតិក្នុងប្រទេសនោះ ដែលដឹកនាំដោយពួកអ៊ិស្លាមនិយម ។
មេធាវីការពារម្នាក់ លោក ស៊ូហាអ៊ីប បារី និយាយថា នារីជនជាតិបារាំង២នាក់ និងអាល្លឺម៉ង់ម្នាក់ដែលជាប់ឃុំឃាំង ចាប់តាំងពីថ្ងៃទី២៩ ឧសភាមក ត្រូវទទួលទោសជាប់គុក៤ខែនិង១ថ្ងៃ ពីបទធ្វើឱ្យប៉ះពាល់ដល់ទំនៀមទម្លាប់ល្អ និងការខ្មាសអៀន ហើយនឹងមានការតវ៉ាទៅសាលាឧទ្ធរណ៍ ។
សម្រាប់លោកស្រី INNA SHEVEHENKO មេដឹកនាំរបស់ FEMEN យល់ថា ការដាក់ទោសដ៏ធ្ងន់នេះនឹងនាំឱ្យមានសកម្មភាពថ្មីៗនៅក្រុងទុយនីស ហើយបង្ហាញលក្ខណៈផ្តាច់ការរបស់ទុយនីស៊ី ដែលក្នុងបដិវត្តន៍ឆ្នាំ២០១១ នាំពួកអ៊ិស្លាមនិយមនៃគណបក្ស ENNAHDA មកកាន់អំណាច ។ លោកស្រីបន្តថា នេះជាការសម្រេចចិត្តខាងនយោបាយមួយ ដែលបញ្ជាក់ពីលក្ខណៈផ្តាច់ការរបស់ទុយនីស៊ី ដោយចាប់នារីទាំងនោះយកទៅដាក់គុក ហើយពុំព្រមទទួលស្គាល់សិទ្ធិនារីដែលអាចបង្ហាញខ្លួនគេដោយសេរីឡើយ ៕
ចែករំលែកព័តមាននេះ