រាជធានីភ្នំពេញ ៖ ប៉ូលិសខណ្ឌទួលគោកបានស្រាវជ្រាវឃាត់ខ្លួនជនជាតិចិនម្នាក់ កាលពីវេលាម៉ោង១០ព្រឹក ថ្ងៃទី១១ មិថុនា នៅខុនដូមួយស្ថិតនៅដីឡូត៍លេខ៣១ ផ្លូវលេខ២៩១ សង្កាត់បឹងកក់ទី២ ខណ្ឌទួលគោក ពីបទលួចទិន្នន័យទូរគមនាគមន៍ ។ ជាមួយនេះ ប៉ូលិសខណ្ឌក៏បានសហការជាមួយក្រសួងប្រៃសណីយ៍ និងទូរគមនាគមន៍ ដឹកនាំដោយលោក ជេត ខេមរា ព្រះរាជអាជ្ញារង
រាជធានីភ្នំពេញ ៖ ប៉ូលិសខណ្ឌទួលគោកបានស្រាវជ្រាវឃាត់ខ្លួនជនជាតិចិនម្នាក់ កាលពីវេលាម៉ោង១០ព្រឹក ថ្ងៃទី១១ មិថុនា នៅខុនដូមួយស្ថិតនៅដីឡូត៍លេខ៣១ ផ្លូវលេខ២៩១ សង្កាត់បឹងកក់ទី២ ខណ្ឌទួលគោក ពីបទលួចទិន្នន័យទូរគមនាគមន៍ ។ ជាមួយនេះ ប៉ូលិសខណ្ឌក៏បានសហការជាមួយក្រសួងប្រៃសណីយ៍ និងទូរគមនាគមន៍ ដឹកនាំដោយលោក ជេត ខេមរា ព្រះរាជអាជ្ញារងអមសាលាដំបូងរាជធានីភ្នំពេញ ចុះឆែកឆេរបន្ទប់ខុនដូចំនួន២កន្លែងនៅវេលាម៉ោងជាង៤រសៀលថ្ងៃដដែល ដកហូតបានឧបករណ៍អេឡិចត្រូនិកជាច្រើនដែលជនសង្ស័យប្រើប្រាស់ជាមធ្យោបាយលួចប្រព័ន្ធទូរស័ព្ទហៅទៅក្រៅប្រទេស ។
ជនសង្ស័យដែលត្រូវចាប់ខ្លួននេះឈ្មោះ វ៉ាយ រូយតៅ ភេទប្រុស អាយុ២៧ឆ្នាំ ជាអ្នកបកប្រែភាសាអង់គ្លេស ស្នាក់នៅបន្ទប់ជួលលេខ៧០៣ ខុនដូ Decastle ដែលមានទីតាំងនៅដីឡូត៍លេខ២៤ ផ្លូវលេខ៣១៥ សង្កាត់បឹងកក់២ ខណ្ឌទួលគោក ។ មន្ដ្រីប៉ូលិសឱ្យដឹងថា ដោយមានការសហការល្អជាមួយប្រជាពលរដ្ឋ ក៏ឈានទៅឃាត់ខ្លួនជនជាតិចិនម្នាក់ ដែលធ្វើដំណើរទៅជួសជុលប្រព័ន្ធអីុនធើរណេតឱ្យមិត្ដភក្ដិនៅវេលាម៉ោង១០ព្រឹកថ្ងៃទី១១ មិថុនា ។
ក្រោយពីឃាត់ខ្លួន ជនជាតិចិនរូបនេះ លុះនៅវេលាម៉ោង៤និង១៥នាទីរសៀលថ្ងៃដដែល សមត្ថកិច្ចសហការជាមួយមន្ដ្រីក្រសួងប្រៃសណីយ៍ និងទូរគមនាគមន៍ ដឹកនាំដោយលោក ជេត ខេមរា ព្រះរាជអាជ្ញារងចុះទៅឆែកឆេរបន្ទប់A ជាន់ទី៥ នៃអគារខុនដូលេខ៣១ ស្ថិតនៅតាមផ្លូវលេខ២៩១ សង្កាត់បឹងកក់ទី២ និងឆែកឆេរបន្ទប់លេខ៧០៣ ខុនដូ Decastle មានទីតាំងនៅដីឡូត៍លេខ២៤ ផ្លូវលេខ៣១៥ ភូមិ៦ សង្កាត់បឹងកក់ទី២ ខណ្ឌទួលគោក ។
នៅក្នុងប្រតិបត្ដិការឆែកឆេរនេះ សមត្ថកិច្ចដកហូតបានឧបករណ៍អេឡិចត្រូនិកជាច្រើន ដែលជនសង្ស័យប្រើប្រាស់ជាមធ្យោបាយលួចទិន្នន័យប្រព័ន្ធទូរស័ព្ទហៅចេញទៅក្រៅប្រទេស រួចបញ្ជូនទៅក្រសួងប្រៃសណីយ៍ និងទូរគមនាគមន៍ ។ ចំណែកជនសង្ស័យត្រូវបានឃាត់ខ្លួននៅអធិការដ្ឋាននគរបាលខណ្ឌទួលគោកដើម្បីចាត់ការតាមច្បាប់ ៕
ចែករំលែកព័តមាននេះ