ថ្ងៃទី១៣ មិថុនា ជាថ្ងៃគម្រប់១.០០០ថ្ងៃដែលជនជាតិបារាំង៤នាក់ត្រូវចាប់ពង្រត់នៅឯទីតាំងនៃក្រុមហ៊ុននុយក្លេអ៊ែរបារាំង AREVA នៅ ARLIT ខាងជើងប្រទេសនីហ្សេ ដោយក្រុមកាល់កៃដា តំបន់MAGHREB អ៊ិស្លាម AQMI ហើយឃុំទុកពួកេគជាចំណាប់ខ្មាំង។
ថ្ងៃទី១៣ មិថុនា ជាថ្ងៃគម្រប់១.០០០ថ្ងៃដែលជនជាតិបារាំង៤នាក់ត្រូវចាប់ពង្រត់នៅឯទីតាំងនៃក្រុមហ៊ុននុយក្លេអ៊ែរបារាំង AREVA នៅ ARLIT ខាងជើងប្រទេសនីហ្សេ ដោយក្រុមកាល់កៃដា តំបន់MAGHREB អ៊ិស្លាម AQMI ហើយឃុំទុកពួកេគជាចំណាប់ខ្មាំង។
នាឱកាសនោះក្រុមគ្រួសាររបស់ចំណាប់ខ្មាំងទាំង៤នាក់នេះគឺលោក PIERRE LEGRAND លោក DANIEL LARRIBE លោក THIERRY DOL និងលោក MARL FERRET បានរៀបចំធ្វើរួមគ្នានូវការប្រមូលផ្តុំមនុស្សនាថ្ងៃទី២២ មិថុនាខាងមុខនេះ ឯទីក្រុងប៉ារីស ទីក្រុង NANTES ទីក្រុង NîMES ឯ AIX-EN-PROVENCE នៅ ORLEANS និង VALENCE នូវទិវាគម្រប់១.០០០ថ្ងៃ នៃការជាប់ជាចំណាប់ខ្មាំងរបស់ជនជាតិបារាំងទាំង៤រូបនោះនៅវាលខ្សាច់ ។
ក្នុងសេចក្តីប្រកាសមួយគ្រួសាររបស់ចំណាប់ខ្មាំងទាំង៤នាក់សរសេរថា ១.០០០ថ្ងៃ គឺ២ឆ្នាំកន្លះបានកន្លងផុតទៅហើយ ។ ១.០០០ថ្ងៃគឺជារយៈពេលមួយយូរណាស់សម្រាប់ពួកអ្នករង់ចាំ ។ សូមឱ្យពួកគេបានវិលត្រឡប់វិញនាពេលនេះ ។គេដឹងថា ចំណាប់ខ្មាំងទាំង៤នាក់នោះនៅរស់ទេ ពីព្រោះពុំមានព័ត៌មានផ្ទុយពីនេះ ។
នេះជាការអះអាងរបស់ប្រធានាធិបតីនីហ្សេ លោក MAHAMADOU ISSOUFOU ក្នុងបទសម្ភាសន៍មួយជាមួយទូរទស្សន៍បារាំង FRANCE-24 កាលពីថ្ងៃទី១១ ឧសភា កន្លងមកនេះ ។ ក៏ប៉ុន្តែគេពុំដឹងថា តើពួកគេស្ថិតនៅទីណា ។ ពួកគេអាចស្ថិតនៅក្នុងប្រទេសម៉ាលីនាចុងខាងជើងប្រទេសនោះ ជិតព្រំដែនជាមួយម៉ូវីតានី ឬមួយពួកគេស្ថិតនៅលីប៊ី ឬកន្លែងផ្សេង ៕
ចែករំលែកព័តមាននេះ